Nyekyire 7:3 - AHYERƐLƐ KRONGRON

³ kyɛ, “Nnɛma ɛmɔha aseɛ anaa ɛpo anaa mmakaa, kɔpem kyɛ yɛkɔfa nzɔanoɛ yɛkɔteta yɛ Nyameɛ ngoaa mɔ bɛ nwoma so ɔ.”

Nyekyire 7:3 Iomraidhean Croise

Ɛksadɔso 12:13

Mogya ne yeɛ ɔkɔhyɛ ɛmɔ nzorɛ, wɔ awuro mɔ bɔ ɛmɔtete nu ne anu ɔ. Na sɛ menwu mogya ne a, ngɔbɔ ngɔtra ɛmɔ, amaa sɛ mébɔ Misraim maen ne a, amaneɛ ne bie ando ɛmɔ.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Yesaya 27:8

Bɛ bɔne so yeɛ egyinane pɛle bɛ asue ɔ. Ɔfale ye nwomeɛ suronyisuronyi ne foane bɛ kyɛ eyia afiteleɛ mvrama anoa serɛserɛ kyẽa ne.

Yesaya 54:17

Akodeɛ biala bɔ babɔ bafa batia wɔ ne, ɔngɔyɛ adwuma, yeɛ noa biala bɔ okodwɔso kotia wɔ wɔ ndɛenbualɛ nu ne, ɛkɔsa wɔ nwo maa okoli fɔ. AWURADE somvoɛ mɔ, b’agyapadeɛ ne bɛ tenenee bɔ ofi me berɛ hɔ ɛne, AWURADE noa dwirɛ ɛne.”

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yesaya 65:8

AWURADE nwa nyoo: “Kyɛbɔ nzaa wɔ bobe betire biribiraa nu, maa mmenia bɛkã kyɛ, ‘Nnɛsɛkye ye, ofikyɛ saleɛ wɔ nu’ ne, sɔ ala yeɛ me somvoɛ mɔ ti ngɔyɔ ɔ, na mengohũhũ bɛ mukoraa.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 3:26

Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Sefania 2:3

Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 3:33

Ebiala bɔ ode ye adanzeɛ ne to nu ne, osi ye pi kyɛ Nyameɛ te nahorɛniɛ.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

Nyekyire 13:16

Na ɔhyɛ mmenia mukoraati: kwahweabaa mɔ ne atitire, esikafoɛ ne ehiafoɛ, nnehyeɛ ne nganga maa bɛhyɛ bɛ nzorɛ wɔ bɛ sa famaa nwo, anaa bɛ nwoma so;

Nyekyire 13:17

maa ɔnate so ebiala ngora ndɔ nikye anaa ɔnyɛ ye atɔen, sana sona bɔ ole nzorɛhyɛlɛ ne, bɔ ɔte kaka ne dumaa anaa ye dumaa ngondaa nzorɛhyɛlɛ ne ngome

Nyekyire 14:1

Afei ndole me nye, na yieee, né Boaen Ba ne gyi Sion bokaa ne aso. Na bɛ bɔ bɛboka ye so ne bɛte apee sɔ alaa ɛyaa ko ne aburanna ne nna, bɔ bahyerɛ ye dumaa ne ye Baba dumaa wɔ bɛ nwoma so ɔ.

Nyekyire 14:9

Na abɔfo bɔ ɔtɔ so nza lili bɛ si, na ɔteane nu sele kyɛ, “Sɛ ebie koto kaka ne ne ye honi ne, ná ode ye nzorɛhyɛlɛ ne wɔ ye nwoma so, anaa ye sa nwo a,

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 22:4

Bekonwu ye nyunu, na ye dumaa kɔbobɔ bɛ nwoma so.

Nyekyire 6:6

Na ndele komviɛ bie mvili abɔdeɛ teasefoɛ nna nemɔ b’afia berɛ kyɛ, “Aburoo kongo ko te denare ko, yeɛ atokoɔ kongo nza te denare ko; nakoso ngoo ne nzaa de, nnɛsɛkye bɛ.”

Nyekyire 7:1

Na ɛhemɔ asi ne, nwuni abɔfo nna kyɛ begyigyi aseɛ ndweasoɛ nna ne aso, bɔ né basi aseɛ so mvrama nna nemɔ ate, kyɛbɔ ɔkɔyɛ bɔ mvrama biala ngotu ngɔfa aseɛ anaa ɛpo anaa bakaa biala so ɔ.

Nyekyire 7:2

Na nwuni abɔfo foforɛ bɔ otira Nyameɛ teasefoɛ nzɔanoɛ ne kyɛ ofi eyia afiteleɛ ɔfo ba ɔ, na ɔteane nu serɛserɛ sele abɔfo nna bɔ bama bɛ tumi kyɛ bɛha aseɛ ne ɛpo ne

Nyekyire 9:4

Na bɛhã behyirele bɛ kyɛ, nnɛmaa bɛkeka aseɛ so ndire, anaa nyaa monɛ biala, anaa bakaa biala; sana mmenia bɔ Nyameɛ nzɔanoɛ ne ɔnne bɛ nwoma so nemɔ ngome.