Nyekyire 7:16 - AHYERƐLƐ KRONGRON

¹⁶ Ɛhɔen ngohũ bɛ ko, yeɛ nzuhɔen ngohũ bɛ ko, eyia ngɔyera bɛ, yeɛ ahuhuro biala ngohũ bɛ.

Nyekyire 7:16 Iomraidhean Croise

Edwein 121:5

AWURADE yeɛ ɔte wɔ neafoɛ ɔ; AWURADE yeɛ ɔte wɔ fɔnwoo ɔ, wɔ wɔ sa famaa so.

Edwein 121:6

Eyia ngɔyera wɔ eyia, yeɛ ɛsraen ngɔyɔ wɔ huu kɔngɔen.

Edwein 143:6

Metrɛ me sa nu mekyire wɔ; wɔ nwo nzuhɔen ku me kra kyɛ aseɛ bɔ wayɛ wosee ɔ. Sela

Edwein 42:2

Me kra wora dɔ Nyameɛ, ye wora dɔ Nyameɛ teasefoɛ ne. Kyinzu yeɛ ngɔwa ngoodwu Nyameɛ nyunu ɔ?

Edwein 63:1

Ao Nyameɛ, wɔ yeɛ ɛte me Nyameɛ ɔ, mepena wɔ serɛserɛ; me kra wora adɔ wɔ, me nwonaen ayɛ hodwoo ɔpena wɔ kyɛ aseɛ wosee katerepee bɔ ɔpena nzue ɔ.

Edwein Nu Dwein 1:6

Nnɛma ɛmɔnea me haa, kyɛ nde bire ne ati, ofikyɛ eyia yeɛ wapini me sɔ ɔ. Me ni mma mmienzua mɔ fɛle me so yaa, bɛmaa nneane bobe boo nemɔ aso, nakoso me bɔbɔ me bobe boo deɛ de, mayakyi mato berɛ.

Yesaya 25:4

Ofikyɛ ɛte bɛ bɔ bɛyɛ anwumvo ɔ b’anwoserɛ afealeɛ, ehiafoɛ b’anwoserɛ afealeɛ wɔ b’anwokyere nu, afealeɛ wɔ mvrama piri nu, ɔne nekaa fɔnwoo wɔ eyia gyireingyirein nu, ofikyɛ atianuserɛfoɛ b’anyandimlilɛ ne, ɔte kyɛ mvrama bɔ otu kofĩ fasue ɔ,

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Yesaya 41:17

Sɛ ehiafoɛ ne bɛ bɔ bɛyɛ anwumvo ɔ bɛpena nzue, ná ebie nne berɛ, bɔ nzuhɔen ama bɛ komvi awo ne, me AWURADE, ngotie bɛ sufrɛ, me, Yisrael Nyameɛ, mengɔpo bɛ.

Yesaya 49:10

Ɛhɔen anaa nzuhɔen ngohũ bɛ, mvrama hyerɛhyerɛ ne eyia ngɔbɔ bɛ, ofikyɛ, bɔ onwu bɛ anwumvoin ne, ɔkɔyɛ bɛ taataa, na mbombonzue nwo yeɛ okoli bɛ nyunu kɔfa bɛ kɔhɔ ɔ.

Yesaya 65:13

Yiti AWURADE nwa nyoo: “Ɛ́mɔtie, me somvoɛ mɔ bekodidi, nakoso ɛmɔ de, ɛhɔen kohũ ɛmɔ; ɛ́mɔtie, me somvoɛ mɔ bɛkɔno, nakoso ɛmɔ de, nzuhɔen kohũ ɛmɔ; ɛ́mɔtie, me somvoɛ mɔ bekoli ahurusi, nakoso ɛmɔ de, ɛmɔ nyunu kogua ase.

Yona 4:8

Na eyia pukyele ne, Nyameɛ somane eyia afiteleɛ mvrama hyerɛhyerɛ bie; eyia ne bɔle Yona ti afia maa ɔyɛle mmerɛ, bɔ ɔhale ye ngome a ahaa né wawu ɔ. Na ɔhane kyɛ, “Ɔte paa ma me kyɛ ngowu tra kyɛ ngɔtena ngoa nu ɔ.”

Mateo 13:21

nakoso sɔ sona ne ondira ndii, na mmom ɔkora gyina mmerɛ kãa bie. Na sɛ ɔnate edwirɛ ne ati amaneɛnwunɛ anaa ndaneanyeɛ ba ye so a, berɛ ne ala ɔkakyi sundidua ma ye.

Mateo 13:6

Na eyia pukyele nen, bɛkesene, na ɔnate kyɛ bandira ndii ne ati, bɛyerale.

Mateo 5:6

“Bɛ bɔ tenenee nwo hɔen ne nzuhɔen ku bɛ ne banya saleɛ, ofikyɛ bɛ yeɛ Nyameɛ kɔma bɛ ko koyi ɔ.

Marko 4:17

nakoso ondira ndii wɔ bɛ nu, na ɔtena bɛ nu mmerɛ kãa bie; na sɛ ɔnate edwirɛ ne ati amaneɛnwunɛ anaa ndaneanyeɛ ba bɛ so a, berɛ ne ala ɔkakyi sundidua ma bɛ.

Marko 4:6

na eyia pukyele nen, bɛkesene, na ɔnate kyɛ bandira ndii ne ati, bɛyerale.

Luka 1:53

Wama bɛ bɔ ɛhɔen ku bɛ ɔ bali aleɛ paa ma bɛ ko ayi, yeɛ wama esikafoɛ bafa nzanza bahɔ.

Luka 6:21

“Ɛmɔ bɔ ɛhɔen ku ɛmɔ kekesaala ye ɔ, ɛmɔanya saleɛ, ofikyɛ bɛkɔma ɛmɔ ko koyi. “Ɛmɔ bɔ ɛmɔsu kekesaala ye ɔ, ɛmɔanya saleɛ, ofikyɛ ɛmɔkɔsere.

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yakobo 1:11

Ofikyɛ eyia pukye bɔ gyireingyirein, na ɔyera ndire ne; ye nyerɛen ne poro gua, na ye nyemene sɛkye. Na sɔ ala yeɛ sikaniɛ koso kɔpɛ nu kɔhɔ wɔ bɔ ɔyɔ nu ɔ.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.