Nyekyire 7:14 - AHYERƐLƐ KRONGRON

¹⁴ Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

Nyekyire 7:14 Iomraidhean Croise

YOB NWOMAA NE 11:16

Ofikyɛ, wɔ wora kofi w’aworabɔlɛ, na ɛkɔkaye ye kyɛ nzue bɔ wasẽ wahɔ ɔ.

Ɛksadɔso 37:3

Ɔfale sikaa kɔkorɛ bɔle kɔtɔkaa nna purole ye, na ɔfa sosɔle ye gya nna nemɔ anu: kɔtɔkaa nyɔ wɔ ye bue ko, yeɛ kɔtɔkaa nyɔ wora wɔ ye bue ko.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Daniel 11:35

Bɛ bɔ bɛte badwemma ne, nu biemɔ kɔtotɔ, maa ɔnate so bɛkɔfa bekosale bɛ nwo, bɛkɔfa bɛkɔte bɛ nwo, bɛkɔfa bɛkɔma bɛ nwo kɔyɛ fitaa koodwu ayieleɛ mmerɛ ne; ofikyɛ sɔ mmerɛ ne kɔwa kyɛbɔ bahyehyɛ bato berɛ ne ala.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 7:16

Mbingyele bɛ bɔ begyigyi berɛ nemɔ anu ko, na mmisale ye kyɛbɔ ɛhemɔ amukoraa bɛ bo kyire ɔ. Yiti ɔhã hyirele me, na ohyirehyirele nningyein ne anu hyirele me kyɛ,

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Mateo 24:21

Ɔnate kyɛ, amaneɛnwunɛ piri bɔ ɔkɔwa ne, ofi mmerɛ bɔ Ɛdangama bɔle wiase bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Marko 13:19

Ofikyɛ, amaneɛnwunɛ bɔ ɔkɔwa sɔ mmerɛ ne anu ne, ofi mmerɛ bɔ Ɛdangama Nyameɛ bɔle aleɛ bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Romanfoɛ 5:3

Nna ɛhe angome, na mmom yɛhoahoa yɛ nwo wɔ yɛ amaneɛnwunɛ nu koso, ɔnate kyɛ yɛse kyɛ amaneɛnwunɛ ma sona nya animia;

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

2 Tɛsalonika 1:4

Na ɛmɔ animia ne gyidie wɔ ɛmɔ nye bɔ bɛtane ne anu, ɔne amaneɛ mukoraa bɔ ɛmɔmia bɛ nye benwu ye ne ati, yɛfa ɛmɔ yɛhoahoa yɛ nwo wɔ Nyameɛ asɔre nemɔ nu.

Hebrifoɛ 13:12

Ye sɔ ne ati, Yesu koso nwuni amaneɛ wɔ kuro piri n’anoa ne asi, amaa ɔnate ye bɔbɔ ye mogya so wate adasa mmaa nwo wafi bɛ bɔne nwo.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.