Nyekyire 7:12 - AHYERƐLƐ KRONGRON

¹² bɛhane kyɛ, “Amen! Saleɛ ne animnyam ne nworɛ ne asennaa ne anidie ne tumi ne anwoserɛ te yɛ Nyameɛ deɛ afebɔɔ! Amen.”

Nyekyire 7:12 Iomraidhean Croise

Nehemia 12:46

Ofikyɛ ofi tete, fi Dawide ne Asafe aberɛ so, edweintolɛfoɛ nemɔ bele sona bɔ ɔla bɛ noa ɔ, bɔ odi bɛ nyunu maa bɛto dwein bɛye Nyameɛ ayɛ ná bɛda ye ase ɔ.

Nehemia 12:8

Na Lewifoɛ nemɔ ɛhe: Yesua, Binuyi, Kadimiɛl, Serebia, Yuda yeɛ Matania bɔ ɔne ye mmango Lewifoɛ mɔ yeɛ né bɛnea ayɛyelɛ edweintolɛ ne aso ɔ.

Edwein 100:4

Ɛ́mɔfa asennaa béwura ye anoa piri ne anu, ná ɛ́mɔfa ayɛyelɛ bɛbra ye aluo berɛ. Ɛmɔla ye ase, ɛ́mɔhyɛ ye dumaa animnyam!

Edwein 106:48

AWURADE Yisrael Nyameɛ ne, animnyam hã ye ofi tetetete bɔ ɔkwaadwu afebɔɔ ɔ! Ma maen ne amukoraa bɛhã kyɛ, “Amen.” Ɛ́mɔye AWURADE ayɛ!

Edwein 107:22

Na odi kyɛ bɛbɔ asennaa afɔleɛ, ná bɛfa ahurusi dwein bɛbɔ ye nnwumaa nwo dawure.

Edwein 116:17

Ngɔbɔ asennaa afɔleɛ ngɔma wɔ, ná masu mafrɛ AWURADE dumaa.

Edwein 147:7

Ɛ́mɔto AWURADE nwo asennaa dwein; ɛ́mɔbɔ sangoo beli yɛ Nyameɛ nwo ahurusi!

Edwein 41:13

AWURADE Yisrael Nyameɛ ne, animnyam hã ye ofi tete bɔ ɔkwaadwu afebɔɔ! Amen ne Amen.

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 89:52

Animnyam hã AWURADE afebɔɔ, Amen! Amen!

Edwein 95:2

Ɛ́mɔma yɛ́fa asennaa yɛbra ye nyunu! Ɛ́mɔma yɛ́fa ayɛyelɛ dwein yɛli ahurusi yɛbɔ ye nwo ese.

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

1 Korintofoɛ 14:16

Na sɛ ɛbɔ asennaa mbaeɛ wɔ sunzum nu a, ɔkɔyɛ sɛɛ né ebie bɔ ɔnde ye bo ɔ wasuro w’asennaa mbaeɛ ne aso “Amen”, wɔ aberɛ bɔ ɔnze bɔ ɛkã ɔ?

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.

Kolosefoɛ 2:7

Ɛmɔtira ndii wɔ ye nu, ná ɛ́mɔnea ye so bɛbɔ bɛ bra, ná ɛ́mɔtindim wɔ gyidie nu kyɛbɔ behyirehyirele ɛmɔ ne, ná ɛ́mɔla Nyameɛ ase daa.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 19:4

Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”