Nyekyire 7:10 - AHYERƐLƐ KRONGRON

¹⁰ Na bɛteane nu serɛserɛ kyɛ, “Ngoalelɛ te yɛ Nyameɛ bɔ ɔte ahennie bia ne aso ne ɔne Boaen Ba ne deɛ!”

Nyekyire 7:10 Iomraidhean Croise

Edwein 115:1

Ao AWURADE, nna yɛ, nna yɛ, na mmom wɔ dumaa yeɛ ɔfata animnyam ɔ, ɔnate wɔ ɔdɔ bɔ onni ngasi ne, ɔne wɔ nahorɛlilɛ ne ati.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 37:39

Teneneefoɛ de, bɛ ngoalelɛ fi AWURADE, na bɛkɔ amaneɛ nu a, ye yeɛ ɔte b’afealeɛ ɔ.

Yesaya 43:11

Me, me ole AWURADE, na defoɛ biala nne berɛ ko bɔ ɔboka me so ɔ.

Yesaya 45:15

O Yisrael Nyameɛ, Defoɛ ne, amba, wɔ ole Nyameɛ bɔ ɛfa wɔ nwo fea ɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yeremia 3:23

Amba, dede bɔ ɔwɔ mmokaa nemɔ aso ne, ɔne mmokaa nemɔ aso anigye ne, ɔte mbaen. Amba, AWURADE yɛ Nyameɛ nu yeɛ Yisrael ngoalelɛ wɔ ɔ.

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Sakaria 4:7

Ao bokaa piri, wɔ ole nwa? Ɛkɔkakyi aseɛ frɛtɛɛ wɔ Serubabɛl nyunu. Na ɔkɔfa nyɔboɛ titire ne kɔwa wɔ mmerɛ bɔ bɛbɔ ese kyɛ, ‘Nyameɛ lo ye oo, Nyameɛ lo ye oo!’ ”

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Luka 3:6

Na anwoɔnaen amukoraa konwu Nyameɛ ngoalelɛ ne.”

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 1:36

Na onwuni kyɛ Yesu nate berɛ nen, ɔhane kyɛ, “Ɛ́mɔnea, Nyameɛ Boaen Ba ne ɛhe!”

Yohane 4:22

Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Nyekyire 12:10

Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.

Nyekyire 19:1

Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 22:3

Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.

Nyekyire 5:7

Oolele nwomaa bɔ babobɔ ne fili bɔ ɔte ahennie bia so ne sa famaa nu.