Nyekyire 6:5 - AHYERƐLƐ KRONGRON

⁵ Na ɔtele nzɔanoɛ bɔ ɔtɔ so nza ne noa nen, ndele kyɛ abɔdeɛ teasefoɛ bɔ ɔtɔ so nza ne ɔkã kyɛ, “Baanea!” Nneane, yieee, pɔngɔ bire bie, na né bɔ ɔte ye so ne otira tonyi.

Nyekyire 6:5 Iomraidhean Croise

Awuye 5:10

Yɛ nwonaen apini tunn kyɛ bokyea, ɔnate ɛhɔen kandinga ne ati.

Hesekiel 4:10

Na ɛlɛho biala w’aleɛ bɔ ekoli ne, odi kyɛ ɛkari kilo ko ye ngyɛmuɛ nnu nu ko, na ɛlɛho biala odi kyɛ edi ye mmerɛ noa mmerɛ noa.

Hesekiel 4:16

Osa sele me kyɛ, “Sona awa, tie, nekaa bɔ Yerusalem onya ye aleɛ fi ne, ngɔma ye bo kɔpɛ; na bɛkɔfa ahunundetelɛ bɛkɔkari aleɛ kaaba bie bekoli, na bɛkɔfa anwodwiri yeɛ bekosusu bɛ nzue bɛkɔno ɔ;

Lewitikɔso 26:26

Ngɔma ɛhɔen kɔwa ɛmɔ aseɛ so; mmrasua buru yeɛ bɛkɔto ɛmɔ aleɛ wɔ bokyea komapɛ aso ɔ. Mmrasua nemɔ kosusu aleɛ ne mmaa mmaa bie yeɛ bɛkɔma ɛmɔ ɔ, yiti sɛ ɛmɔdi a, ɛmɔ ko ngoyi.

Sakaria 6:2

Teaseɛnam bɔ oli moa ne, mbɔngɔ bɔ bɛsosɔ ye ne bɛte kɔkorɛ; teaseɛnam bɔ ɔtɔ so nyɔ ne, mbɔngɔ bɔ bɛsosɔ ye ne bɛte bire;

Sakaria 6:6

Teaseɛnam bɔ mbɔngɔ bire bɛsosɔ ye ne, befi berɛ bɛkɔ sorɔ dɔ maen ne anu; yeɛ fufue nemɔ koso befi berɛ bedi bɛ si, yeɛ bɛ bɔ bɛ nwo te kyerekyerɛɛ ne koso bɛkɔ ngwaen dɔ maen ne anu.”

Mateo 24:7

Na maen kodwɔso kotia maen, ahennie kodwɔso kotia ahennie, yeɛ ɛhɔen ne [anwonyerɛ] ne aseɛwosolɛ kɔwa nekaa ahoroɔ.

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 6:1

Na nwuni kyɛ Boaen Ba ne wate nzɔanoɛ nemɔ anu ko noa, yeɛ ndele kyɛ abɔdeɛ ateasefoɛ nna nemɔ anu ko ole komviɛ bɔ ɔte kyɛ esue bɔ ɔbɔ nu kurudududu ɔ ɔkã, “Baanea!”