Nyekyire 6:2 - AHYERƐLƐ KRONGRON

² Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.

Nyekyire 6:2 Iomraidhean Croise

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 76:7

Nakoso wɔ de, wɔ nwo yɛ suro! Sɛ ɛfɛ yaa a, nwa yeɛ ɔkɔhora wɔ nyunu gyina ɔ?

Edwein 98:1

Ao, ɛ́mɔto dwein foforɛ bɛ́ye AWURADE ayɛ, ofikyɛ wayɛ anwanwadeɛ mɔ, Ye anwoserɛ asaa ne ye sa krongron ne yeɛ wafa wali ngonim ɔ.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

1 Korintofoɛ 15:25

Ofikyɛ ɔsɛ kyɛ odi hene maa okodwu kyɛ ɔkɔfa ye pɔfoɛ mukoraa kɔyɛ ye gya bo ndiasoɛ ɔ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 9:7

Na mmɛbɛ mbiri nemɔ, bɛ sue te kyɛ mbɔngɔ bɔ basiesie bɛ bama koɛ ɔ; nikyee bie wɔ bɛ ti so bɔ ɔte kyɛ sikaa kɔkorɛ abotire ɔ, na bɛ nyunu soma sona nyunu;