Nyekyire 6:15 - AHYERƐLƐ KRONGRON

¹⁵ Na aseɛ so ahemvo, atitirefoɛ, esikafoɛ, safohene mɔ, anwoserɛfoɛ, yeɛ ngoaa ne nnehyeɛ amukoraa bɛfeafeale ngumaa mɔ nu ne mmokaa so nyɔbotaen mɔ nu.

Nyekyire 6:15 Iomraidhean Croise

Gyenesise 3:8

Na aleɛ dwole ne, bɛtele AWURADE Nyameɛ gya boso kyɛ ɔnatenate turo ne anu, yiti biaa ne ne ɔye ne bɛɛfeale AWURADE Nyameɛ wɔ turo nu berɛ mmakaa ne anu.

Edwein 76:12

Ye yeɛ ɔbrɛ ahemvo mɔ b’ahandaen ase ɔ, na ye yeɛ ye nwo yɛ aseɛ so ahemvo mɔ suro ɔ.

Yesaya 2:10

Na ɔnate AWURADE nwo suronyi, ɔne ye animnyam totohyia ne ati, kowura nyɔbotaen nu, fa wɔ nwo kɔfea mvuture nu.

Yesaya 2:19

Na sɛ AWURADE dwɔso woso aseɛ serɛserɛ a, ɔnate AWURADE nwo suronyi, ɔne ye animnyam totohyia ne ati, mmenia koowurawura nyɔbotaen ndokuro nu, ɔne aseɛnwo ngumaa nu.

Yesaya 2:21

Na sɛ AWURADE dwɔso woso aseɛ serɛserɛ a, bekoowurawura nyɔbotaen ndokuro nu, ɔne mmokaa so bɔen mɔ nu, ɔnate AWURADE nwo suronyi, ɔne ye animnyam totohyia ne ati.

Yesaya 42:22

Nakoso bɛte maen bɔ ebiemɔ bali bɛ aminɛ bafẽ bɛ nningyein bafa ɔ, bahã bɛ mukoraa bapua wɔ bɔen mɔ nu, bafa bɛ baafea kuku nu, baha ngaen nu bɔ defoɛ biala nne berɛ ɔ, bakakyi koɛ nu nzesadeɛ bɔ ebiala nne berɛ bɔ ɔkɔhã kyɛ, “Ɛ́mɔsa bɛfa bɛ bɛhɔ!”

Mika 7:17

Bɛkɔtafe nnɛterɛ kyɛ ewoo, kyɛ ngaka bɔ bɛtwe bɛ nwo ase ɔ. Bele anwopopolɛ bekofi b’anwoserɛ afealeɛ mɔ nu bekofite; bɛkɔfa esuronyi bɛkɔwa AWURADE yɛ Nyameɛ berɛ, na ɔnate wɔ ti bekosuro.

Hebrifoɛ 11:38

Bammu wiase kyɛ nikyee bɔ odi mu ma bɛ ɔ, behyinihyini ɛserɛ ne mmokaa so, na bɛtenane aseɛ so nyɔboɛ bɔ wasi sua, ɔne ngumaa mɔ nu.

Nyekyire 18:23

kanea ye hyireinn ngɔta wɔ wɔ nu ko, na bɛngɔte atɔmvorɛ biaa ne atɔmvorɛ braa komvi wɔ wɔ nu ko; ofikyɛ wɔ dwadifoɛ yeɛ né bɛte atitire wɔ aseɛ so ɔ, na ɛfale wɔ ngonyaayelɛ lakalakale maen maen amukoraa.

Maenbulɛfoɛ 6:2

Midian lili Yisrael so, na ɔnate Midian ti, Yisraelfoɛ bɔle bɛ nwo adwaa wɔ mmokaa so, nyɔboɛ bɔ wasi sua mɔ nu, ɔne anwoserɛ afealeɛ mɔ nu.

1 Samuel 13:6

Yisraelfoɛ nwuni kyɛ koɛ ne anu ayɛ se ama bɛ, (ofikyɛ né Filistifoɛ ama koɛhonɛfoɛ nemɔ ali amia). Na bɛɛfeafeale nyɔboɛ bɔ wasi sua nu, ngumaa nu, nyɔbotaen nu, asieleɛ ne abura mɔ nu.