Nyekyire 6:14 - AHYERƐLƐ KRONGRON

¹⁴ Na ewienu tu minini te kyɛ nwomaa bɔ babobɔ ɔ, na mmokaa ne supɔ mukoraa tutu fili bɛ boso.

Nyekyire 6:14 Iomraidhean Croise

Edwein 102:26

Bɛ boso konua, nakoso wɔ de, ɛwɔ berɛ daa; amba, bɛ mukoraa bɛkɔtete kyɛ ɛtena. Ɛkɔsesã bɛ kyɛ ndaadeɛ, na bɛ boso komini.

Yesaya 34:4

Anwuro abɔdeɛ amukoraa bekohuro, bɛkɔbobɔ ewienu kyɛ nwomaa, nu abɔdeɛ amukoraa bɛkɔporo bekogua, kyɛbɔ bobe nyaa poro gua ɔ, kyɛbɔ borɔdoma nyaa poro fi ye bakaa so gua ɔ.

Yesaya 54:10

Ofikyɛ, mmokaa kotutu kofi bɛ boso, yeɛ pambaa mɔ kɔwoso, nakoso me dɔ bɔ onni ngasi ne de, mengɔye mengofi wɔ so, na m’asomdwee apam ne, ongogu, AWURADE bɔ onwu wɔ anwumvoin ne, ye noa dwirɛ ɛne.

Yeremia 3:23

Amba, dede bɔ ɔwɔ mmokaa nemɔ aso ne, ɔne mmokaa nemɔ aso anigye ne, ɔte mbaen. Amba, AWURADE yɛ Nyameɛ nu yeɛ Yisrael ngoalelɛ wɔ ɔ.

Yeremia 51:25

“Tie, wɔ, bokaa sɛkyefoɛ bɔ ɛsɛkye aseɛ ye amukoraa ɔ, meko metia wɔ, na ngɔtengyɛ me sa ngɔhwe wɔ so; ngomunu wɔ ngofi nyɔbotaen nemɔ aso ngɔto ase, na ngɔmaa ɛkɔyɛ bokaa bɔ wayera ɔ, AWURADE noa dwirɛ ɛne.

Hesekiel 38:20

maa ɔnate so ɛpo nu naen, ewienu nnomaa, eburo ngaka, kaka biala bɔ ɔtwe ye nwo ase wɔ aseɛ so, yeɛ aseɛ so mmenia mukoraa bɛ nwo kɔwoso bɛ wɔ me nyunu. Mmokaa mukoraa bekodwiri bekogua, nyɔbotaen ndendenn mɔ kobubu kogua, yeɛ fasue biala kobu kogua ase.

Nahum 1:5

Mmokaa nemɔ woso wɔ ye nyunu, na pambaa nemɔ behuro, aseɛ yera wɔ ye nyunu, amba, wiase ne bɔ ɔwɔ nu amukoraa.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Habakuku 3:6

Ɔte gyinane, na ɔwosole aseɛ. Ɔtole ye nye neane, na ɔbɔle maen maen mɔ sandene; mmokaa bɔ bɛwɔ berɛ afebɔɔ ne, bedwiri beguale, na daa tete pambaa nemɔ, bɛbɔle bɛ nu ase. Ye atee mɔ wɔ berɛ afebɔɔ.

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

Nyekyire 16:20

Na supɔ biala nwatili, na bannwu mmokaa biala ko.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 21:1

Na nwuni nyameɛso foforɛ ne aseɛ foforɛ; ofikyɛ né nyameɛso bɔ oli moa ne ne aseɛ bɔ oli moa ne bapɛ nu bahɔ, yeɛ né ɛpo nne berɛ ko.