Nyekyire 6:10 - AHYERƐLƐ KRONGRON

¹⁰ Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”

Nyekyire 6:10 Iomraidhean Croise

Gyenesise 4:10

Na AWURADE sele kyɛ, “Nzikyɛ nikye yeɛ ayɔ ye? Eliɛma ne, ye mogya ɔteatea nu sũ frɛ me fi aseɛnwo.

Edwein 119:84

Wɔ somvoɛ kɔnwondɛ maa okoodwu kyinzu? Bɛ bɔ bɛtane me nye ne, kyinzu yeɛ ekobua bɛ ndɛen ɔ?

Edwein 13:1

Ao AWURADE, na kyinzu? Aso ɛkɔma wɔ wora kofi me afebɔɔ anaa? Ɛkɔye wɔ nye kɔfea me maa okoodwu kyinzu?

Edwein 35:17

Ao AWURADE, ɛnea alaa maa okodwu kyinzu? Pepɛ de me kra fi bɛ nzɛmmɔnelilɛ nu, de me ngoa fi gyata nemɔ sa nu!

Edwein 79:10

Nzu ati yeɛ odi kyɛ maen maen mɔ bebisa kyɛ, “Bɛ Nyameɛ ne, ɔwɔ nisua” ɔ? Wɔ somvoɛ mɔ bɛ mogya so wereɛtɔlɛ ne, ma maen maen mɔ benwu ye bɔ yɛ koso yɛ nye tua ɔ.

Edwein 9:12

Ofikyɛ ye bɔ ɔtɔ mogya so wereɛ ne, ɔkaye bɛ bɔ bɛwɔ amaneɛ nu ɔ, na ɔmma ye wora mvi bɛ sufrɛ.

Yesaya 61:2

kyɛ mmɔ AWURADE anwumvoinnwunɛ afoɛ ne nwo dawure, ɔne yɛ Nyameɛ wereɛtɔlɛ kyẽa ne nwo dawure, kyɛ ngyekye ebiala bɔ ye wora abɔ ɔ wora;

Awuye 3:64

Ao AWURADE, tua bɛ so kerɛ kyɛbɔ bɛ yɔleɛ te ɔ.

Daniel 12:6

Na ko bisale biaa bɔ ɔhera nwera, bɔ ɔwɔ asue ne anye ne kyɛ, “Ɔkwaadwu kyinzu yeɛ sɔ anwanwadeɛ hemɔ bɛkɔwa ayieleɛ ɔ?”

Daniel 8:13

Yeɛ ndele kyɛ krongronniɛ bie odwudwo, na krongronniɛ ko koso bisale bɔ odwudwole ne kyɛ, “Daa biala naen yeralɛ afɔleɛ ne, musuebɔlɛ mmeraatolɛ ne, nekaa krongron berɛ bɔ waali ye sa ne, yeɛ ɛlɔen ne bɔ otiatiale bɛ so ne nwo nyekyire ne, mmerɛ beni yeɛ ɔkɔhɔ so koodwu ɔ?”

Sakaria 1:12

Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Luka 2:29

“Awurade, afei de yakyi w’akoaa ate asomdwee nu, kyɛbɔ wɔ dwirɛ ne ɔte ne;

Luka 21:22

ofikyɛ sɔ ngyẽa ne te wereɛtɔlɛ ngyẽa, bɔ ɔma bɔ bahyerɛ ne amukoraa ba nu ɔ.

Romanfoɛ 12:19

Aliɛmaa mɔ, nnɛma ɛmɔtotɔ ɛmɔ nwo wereɛ, na mmom ɛ́mɔyakyi bɛ́ma Nyameɛ ahonehulɛ ne. Ofikyɛ bahyerɛ kyɛ, “Wereɛtɔlɛ te me deɛ, na ngotua so kerɛ, Awurade noa dwirɛ ɛne.”

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 18:24

Na ye nu yeɛ benwuni ngɔmhyɛlɛfoɛ ne anwoteefoɛ ne mmenia amukoraa bɔ bahũ bɛ wɔ aseɛ so ɔ bɛ mogya ɔ.”

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Maenbulɛfoɛ 16:28

Yeɛ Samson sũ frɛle AWURADE kyɛ, “AWURADE Nyameɛ, kaye me ná ma me anwoserɛ sɔ mmerɛ ye ala angome, O Nyameɛ; na mandɔ Filistifoɛ so wereɛ ɔnate me nye nyɔ bɔ batutu ne ati.”

1 Samuel 24:12

Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.