Nyekyire 5:9 - AHYERƐLƐ KRONGRON

⁹ Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 5:9 Iomraidhean Croise

Edwein 144:9

Ao Nyameɛ, ngɔto edwein foforɛ ngɔye wɔ ayɛ; sangoo bɔ ye nyamaa buru yeɛ ngɔbɔ ngɔye wɔ ayɛ ɔ.

Edwein 149:1

Ɛ́mɔye AWURADE ayɛ! Ɛ́mɔto dwein foforɛ bɛ́ye AWURADE ayɛ, ye nwo ayɛyelɛ dwein wɔ anwoteefoɛ badwa nu.

Edwein 33:3

Ɛ́mɔto ye nwo edwein foforɛ; ɛ́mɔbɔ sangoo ne yé, ná ɛ́mɔtea nu bɛ́to dwein.

Edwein 40:3

Ɔfale edwein foforɛ tuale me noa, ɔte yɛ Nyameɛ nwo ayɛyelɛ dwein. Mmenia pee konwu ye ná basuro, ná bafa bɛ wora bawura AWURADE nu.

Edwein 96:1

Ao, ɛ́mɔto dwein foforɛ bɛ́ye AWURADE ayɛ; aseɛ so ama amukoraa, ɛ́mɔto dwein bɛye AWURADE ayɛ.

Edwein 98:1

Ao, ɛ́mɔto dwein foforɛ bɛ́ye AWURADE ayɛ, ofikyɛ wayɛ anwanwadeɛ mɔ, Ye anwoserɛ asaa ne ye sa krongron ne yeɛ wafa wali ngonim ɔ.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Daniel 3:4

Yeɛ dawurebɔlɛniɛ ne teane nu serɛserɛ kyɛ, “Maen maen mɔ ee, mmenia ne edwudwolɛ mɔ ee, ahyɛdeɛ ne ole kyɛ,

Daniel 4:1

Nana Nebukadenesa noa dwirɛ bɔ ɔfa kɔma maen maen amukoraa, mmenia mukoraa ne edwudwolɛ amukoraa bɔ bɛwɔ aseɛ so ne, ye ɛhe: Ngɔsoɛ pee ɔbra ɛmɔ asetena oo!

Daniel 5:19

na ɔnate sona titire bɔ ɔmaa ɔyɛle ne ati, maen maen mukoraa, mmenia mukoraa ne edwudwolɛ amukoraa besurole ye, na bɛ nwo wosowosole bɛ wɔ ye nyunu. Sona biala bɔ né okuro kyɛ oku ye ne, ohuni ye; yeɛ bɔ okuro kyɛ onya ngoa ne, ɔmaa onyane ngoa; sona bɔ okuro ne, ɔbɔle ye aba so, na sona bɔ okuro ne, ɔbrɛle ye ase.

Daniel 6:25

Yeɛ Nana Dario hyerɛle krataa ɔɔmane maen maen, mmenia ne edwudwolɛ amukoraa bɔ bɛwɔ aseɛ so amukoraa ɔ kyɛ, “Ngɔsoɛ pee ɔbra ɛmɔ asetena oo!

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

1 Korintofoɛ 6:20

Bɛtɔle ɛmɔ nyɔboɛ serɛ. Yiti ɛ́mɔfa ɛmɔ nipadua bɛhyɛ Nyameɛ animnyam.

1 Korintofoɛ 7:23

Bɛtɔle ɛmɔ nyɔboɛ serɛ, yiti nnɛma ɛmɔyɛ kuro sona ngoaa.

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 5:19

Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

Kolosefoɛ 1:14

na ye nu yeɛ yanya ngoalelɛ bɔ ɔte bɔnefakyɛ ɔ.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 11:14

Na mmenia bɔ bɛkã sɔ dwirɛ nen, bekyire kyɛ bɛpena maen bɔ ɔte bɛ bɔbɔ bɛ deɛ ɔ.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

Nyekyire 10:11

Na osele me kyɛ, “Ɔsɛ kyɛ ɛhyɛ ngɔm fa mmenia, maen maen, edwudwolɛ ahoroɔ ne ahemvo pee nwo bieku.”

Nyekyire 11:9

Na mmenia kofi maen maen ne mmusua kure ne edwudwolɛ ahoroɔ nu bekotu bɛ nye bekogua bɛ fuin nemɔ so ɛlɛsa ne bue, na bɛngɔma bengosie bɛ fuin nemɔ.

Nyekyire 13:7

Na bɛmane ye ate kyɛ ɔfa koɛ teta anwoteefoɛ, ná oli bɛ so ngonim. Na bɛmane ye tumi wɔ mmusua kure ne edwudwolɛ mɔ ne maen amukoraa so.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 14:6

Na afei nwuni abɔfo foforɛ bɔ watu nate nyameɛso afia dɔ, bɔ otira nzɛmba afebɔɔ ne kyɛ ɔkwaabɔ ye dawure kyire bɛ bɔ bɛte aseɛ so: maen maen ne mmusua kure ne edwudwolɛ ne mmenia amukoraa.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 17:15

Na osele me kyɛ, “Nzue mɔ bɔ enwuni bɛ, bɔ adwamanbɔlɛniɛ ne ɔte so ne, bɛte mmenia, ɛlɔen, maen maen ne edwudwolɛ mɔ.

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”

Nyekyire 5:12

Na bɛteane nu bɛhane kyɛ, “Boaen Ba bɔ behuni ye ne, ɔfata kyɛ ode tumi, anwonya, nworɛ, anwoserɛ, anidie, animnyam ne saleɛ!”

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.