Nyekyire 5:5 - AHYERƐLƐ KRONGRON

⁵ Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”

Nyekyire 5:5 Iomraidhean Croise

1 Ahemvo 10:20

Ɔyɔle gyata buru ne nyɔ. Atweleɛ ndiasoɛ nzia ne, ko biala, né gyata ko gyi ye bɛen, yeɛ ko wora gyi ye famaa so. Sɔ bia ne, né bɛyyɔle ye sɛso wɔ ahennie biala anu le.

2 Aberɛso Dwirɛ 9:18

Ahennie bia ne, né ole atweleɛ nzia ɔne esikaa kɔkorɛ ndiasoɛ bɔ bayɔ babata bia ne ɔ. Bia ne, ye ngyɛnu ne ye ngyɛnu ne, né ole nekaa bɔ bɛfa bɛ sa bɛto ɔ. Bayɔ gyata buru ne nyɔ bɔ nzia wɔ nekaa bɔ bɛfa bɛ sa bɛto ne biala ɔ.

YOB NWOMAA NE 41:15

Ye si boen ne, wasa folii, na bahã babatabata so kyɛ nikyee bɔ basosɔ ɔ.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yeremia 31:16

Bɔ AWURADE kã ɛhe: Mua wɔ noa ná yakyi suɛ; nnɛma wɔ nye poro moen, ofikyɛ ekonya w’adwuma nwo akatuaa, AWURADE noa dwirɛ ɛne, na bekofi pɔfoɛ ne aseɛ so bekosa bɛkɔwa.

Daniel 7:16

Mbingyele bɛ bɔ begyigyi berɛ nemɔ anu ko, na mmisale ye kyɛbɔ ɛhemɔ amukoraa bɛ bo kyire ɔ. Yiti ɔhã hyirele me, na ohyirehyirele nningyein ne anu hyirele me kyɛ,

Numeri 24:9

Okunduni, na obutu berɛ kyɛ gyata, ɔte kyɛ gyata beleɛ; nwa yeɛ okotingye ye ɔ? Ebiala bɔ okoyira wɔ ne, Nyameɛ koyira ye, yeɛ ebiala bɔ ɔkɔnoma wɔ ne, Nyameɛ kɔnoma ye.”

Luka 23:28

Nakoso Yesu berele ye nye neane bɛ sele kyɛ, “Yerusalem mmaa mmrasua, nnɛma ɛmɔsu me, na mmom ɛ́mɔsu ɛmɔ bɔbɔ ɛmɔ nwo ɔne ɛmɔ mma mɔ!.

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Luka 8:52

Né mmenia ne amukoraa bɛbɔ awuye besu ye. Nakoso Yesu hane kyɛ, “Nnɛma ɛmɔsu, ofikyɛ owwuli, na mmom walafe!”

Yohane 20:13

Na bebisale ye kyɛ, “Mmobraa, nzu ati yeɛ esu ye?” Na obuale bɛ kyɛ, “Bafa m’Awurade bahɔ ti ɔ, na menze nekaa bɔ bafa ye baato ɔ!”

Romanfoɛ 1:3

nzɛmba ne bɔ ɔfa Ɔwa Yesu Kristo bɔ ɔte y’Awurade ne, bɔ anwoɔnaen nu de, ɔte Dawide bosoniɛ ne nwo;

Romanfoɛ 15:12

Yesaya kã ye bieku kyɛ, “Yese ndii ne kɔwa, ye yeɛ okodwɔso kooli Amaenmaensofoɛ so hene ɔ, na ye so yeɛ Amaenmaensofoɛ kɔfa bɛ nye bɛkɔto ɔ.”

Hebrifoɛ 7:14

Na ebiala se ye pefee kyɛ y’Awurade fi Yuda abusua nu; yeɛ Mose koso ammɔ sɔ abusua kure he dumaa wammata sɔfolilɛ nwo.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 5:4

Na nzuni pee, ofikyɛ bannya ebiala bɔ ɔfata kyɛ obukye nwomaa bɔ babobɔ ne anu anaakyɛ ɔnea nu ɔ.

Nyekyire 6:1

Na nwuni kyɛ Boaen Ba ne wate nzɔanoɛ nemɔ anu ko noa, yeɛ ndele kyɛ abɔdeɛ ateasefoɛ nna nemɔ anu ko ole komviɛ bɔ ɔte kyɛ esue bɔ ɔbɔ nu kurudududu ɔ ɔkã, “Baanea!”

Nyekyire 7:13

Na afei mbanyi nemɔ nu ko bisale me kyɛ, “Ɛhemɔ bɔ bewura ndaadeɛ fufue ye, nwa mɔ ɛne, na nisua yeɛ befi bɛwale ɔ?”