Nyekyire 5:2 - AHYERƐLƐ KRONGRON

² Na nwuni abɔfo anwoserɛniɛ bie bɔ ɔteane nu bisale kyɛ, “Nwa yeɛ ɔfata kyɛ obukye nwomaa bɔ babobɔ ne anu ná ɔtete ye nzɔanoɛ nemɔ ɔ?”

Nyekyire 5:2 Iomraidhean Croise

YOB NWOMAA NE 41:15

Ye si boen ne, wasa folii, na bahã babatabata so kyɛ nikyee bɔ basosɔ ɔ.

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Nyekyire 10:1

Afei nwuni abɔfo foforɛ anwoserɛniɛ bie kyɛ ofi nyameɛso odwu ba ase; né wafa munungum wahera, nyangondoen wɔ ye ti so, ye nyunu te kyɛ eyia, na ye gya te kyɛ see bonima.

Nyekyire 18:21

Yeɛ abɔfo anwoserɛniɛ bie tamone nyɔboɛ bɔ ɔte kyɛ nyɔboɛ kandinga bɔ bɛfa beti aburoo, na ogyi tole ɛpo nu hane kyɛ, “Sɔaa yeɛ bɛbaafindi kuro piri Babilɔn bɛto wɔ anyeborolɛ so ɔ, na bengonwu ye ko.

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”