Nyekyire 5:13 - AHYERƐLƐ KRONGRON

¹³ Na abɔdeɛ biala bɔ ɔwɔ nyameɛso ne aseɛ so ne aseɛ bo ne ɛpo nu ne bɔ ɔwɔ bɛ nu amukoraa, ndele kyɛ bɛkã kyɛ, “Saleɛ ne anidie ne animnyam ne tumi ɔyɛ bɔ ɔte ahennie bia ne aso ne ɔne Boaen Ba ne deɛ afebɔɔ.”

Nyekyire 5:13 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

Yesaya 24:14

Bɛ de, bɛkɔma bɛ komvi so bɛkɔto anigye dwein, bɛkɔtea nu bekofi ɛpo so bɛkɔye AWURADE animnyam ayɛ.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

Romanfoɛ 16:27

Nyameɛ bɔ ye ngome twe yeɛ ɔte nworɛniɛ ne, animnyam ɔ́fa Yesu Kristo so ɔ́yɛ ye deɛ daa daa! Amen.

Romanfoɛ 9:5

Bɛ yeɛ yɛ nana mbanyi mɔ bɛte bɛ deɛ ɔ; na anwoɔnaen nu, bɛ bosoniɛ ole Kristo bɔ ɔte nningyein mukoraa so Nyameɛ bɔ bayira ye afebɔɔ ne. Amen.

Ɛfesofoɛ 3:21

animnyam hã ye wɔ asɔre ne anu ne Kristo Yesu nu wɔ aworɛ ndoatoasoɛ amukoraa nu daa daa afebɔɔ. Amen.

Filipifoɛ 2:10

kyɛ Yesu dumaa nu yeɛ ɔsɛ kyɛ nangoroma mukoraa bɛkoto, bɔ ɔwɔ nyameɛso, bɔ ɔwɔ aseɛ so, ɔne bɔ ɔwɔ aseɛ bo dɔ ɔ,

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

1 Petro 5:11

Ye yeɛ animnyam ne tumi te ye deɛ afebɔɔ ɔ. Amen.

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.

Nyekyire 5:12

Na bɛteane nu bɛhane kyɛ, “Boaen Ba bɔ behuni ye ne, ɔfata kyɛ ode tumi, anwonya, nworɛ, anwoserɛ, anidie, animnyam ne saleɛ!”

Nyekyire 5:3

Na ebiala nne nyameɛso, anaa aseɛ so, anaa aseɛ bo bɔ ɔhora bukyele nwomaa bɔ babobɔ ne anu anaa ɔneane nu ɔ.

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 6:16

Na besele mmokaa ne nyɔbotaen nemɔ kyɛ, “Ɛ́mɔdwiri begua yɛ so, ná ɛ́mɔfa yɛ bɛfea béfi bɔ ɔte ahennie bia ne aso ne nyunu, ɔne Boaen Ba n’ahonehulɛ nu;