Nyekyire 4:8 - AHYERƐLƐ KRONGRON

⁸ Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!

Nyekyire 4:8 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Yesaya 13:6

Ɛ́mɔbɔ awuye, ofikyɛ AWURADE kyẽa ne apingye; kyẽa ne kɔwa, bɔ Tuminiɛ ne kɔfa kohũhũ mmenia ɔ!

Yesaya 62:1

Sion ti mengɔhã me noa mengɔto nu, yeɛ Yerusalem ti mengɔyɛ konn, kɔpem kyɛ ye bebualɛ kopukye kyɛ alehyeleɛ kanea, ɔne kyɛ ye ngoalelɛ kopukye kyɛ ɛtɛen bɔ ogye ɔ.

Hesekiel 1:18

Na bɛ hangra ne, né ɔwale kɔ anwuro alaa maa ɔyɛ suro; na né anyeɛ tuatua bɛ mmɛnna nwo amukoraa bra yia.

Hesekiel 1:5

Yeɛ abɔdeɛ ateasefoɛ bɛ sɛso nna befili see ne anu bɛwale. Sɔaa yeɛ né bɛ sue te ɔ: Né bɛ sue te kyɛ sona,

Hesekiel 1:6

nakoso né bɛ nu biala ye nyunu te nna, yeɛ né ebiala ye ndaa koso te nna.

Hesekiel 10:12

Na bɛ mumua ne, bɛ sĩ, bɛ sa, bɛ ndaa ne bɛ kango nemɔ nwo ne, né anyeɛ tuatua bɛ nwo frefrɛɛ. Né bɛ mmɛnna bele kango mɔ.

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 11:17

na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.

Nyekyire 14:11

Na nwosina bɔ ofi bɛ teeteelɛ nu ne, ɔkɔ anwuro afebɔɔ. Na bɛ bɔ bɛkoto kaka ne ne ye honi ne, yeɛ ebiala bɔ ode ye nzorɛhyɛlɛ dumaa nen, bengonya bɛ nwome biala bengole wɔ alehyeleɛ nu ne alesaleɛ nu.

Nyekyire 14:3

Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 16:7

Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 19:4

Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”

Nyekyire 21:22

Na mannwu asɔneyɛɛ sua biala wɔ kuro ne anu, ofikyɛ Tuminiɛ Awurade Nyameɛ ne Boaen Ba ne yeɛ bɛte nu asɔneyɛɛ sua ɔ.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.

Nyekyire 6:1

Na nwuni kyɛ Boaen Ba ne wate nzɔanoɛ nemɔ anu ko noa, yeɛ ndele kyɛ abɔdeɛ ateasefoɛ nna nemɔ anu ko ole komviɛ bɔ ɔte kyɛ esue bɔ ɔbɔ nu kurudududu ɔ ɔkã, “Baanea!”

Nyekyire 6:6

Na ndele komviɛ bie mvili abɔdeɛ teasefoɛ nna nemɔ b’afia berɛ kyɛ, “Aburoo kongo ko te denare ko, yeɛ atokoɔ kongo nza te denare ko; nakoso ngoo ne nzaa de, nnɛsɛkye bɛ.”

Nyekyire 7:11

Né abɔfo nemɔ amukoraa bapɛ ahennie bia ne ne mbanyi nemɔ ne abɔdeɛ ateasefoɛ nna nemɔ nwo bayia, na bɛfale bɛ nyunu bebutubutuli ase wɔ ahennie bia ne nyunu, na bɛsɔnene Nyameɛ

Nyekyire 7:15

Na ye sɔ ati yeɛ bɛwɔ Nyameɛ ahennie bia ne nyunu, ná bɛsɔne ye alehyeleɛ ne alesaleɛ wɔ ye asɔneyɛɛ sua nu ɔ; na bɔ ɔte ahennie bia ne aso ne, ɔkɔfa ye tena sua ne kɔkata bɛ so.