Nyekyire 4:5 - AHYERƐLƐ KRONGRON

⁵ Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 4:5 Iomraidhean Croise

Gyenesise 15:7

Na osele ye kyɛ, “Me ole AWURADE bɔ mvale wɔ mvili Yure bɔ ɔwɔ Kaldea mmale ɔ, kyɛ méfa aseɛ he mema wɔ maa ɔyɛ wɔ deɛ.”

2 Aberɛso Dwirɛ 4:20

esikaa kɔkorɛ paa kanea mmakaa ne bɛ nganea bɔ begye wɔ nekaa krongron ne anyunu berɛ, kyɛbɔ Nyameɛ wahyɛ ne,

Edwein 68:35

Ao Nyameɛ, wɔ nwo yɛ suro wɔ w’atenaleɛ krongron berɛ. Yisrael Nyameɛ ne, ye yeɛ ɔma ye maen tumi ne anwoserɛ ɔ. Animnyam hã Nyameɛ!

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 20:18

Na mmenia ne amukoraa nwuni agralaa bɔ né ɔ́tete, ɔne bokaa bɔ né ótu nwosina ne, ná besa bɛtele agralaa bɔ né ɔ́bobɔ nu ne, ɔne totorobɛndo hulɛ nen, ɛserɛ mane bɛ nwo wosowosole bɛ, na beegyinane dedeede.

Ɛksadɔso 25:37

Afei yɔ ye kanea nzoo ne, ná fa siesie so maa bɛta ye nyunu berɛ.

Ɛksadɔso 37:23

Ɔfale sikaa kɔkorɛ paa yɔle ye kanea nzoo ne, ye akapɛ bɔ bɛfa bɛtengyɛtengyɛ kanea nyamaa noa ne, ɔne kanea nyamaa nzoen talie nemɔ.

Hesekiel 1:13

Abɔdeɛ ateasefoɛ nemɔ bɛ sue ne, besoma see bɔ wasɔ gonn ɔ, besoma kanea bɔ ɔkɔ ye nyunu ne ye si wɔ abɔdeɛ ateasefoɛ nemɔ b’afia ɔ. Né see ne ta, na agralaa tete fili see ne anu.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Asomafoɛ 2:3

Na nikyee bie bɔ ɔte kyɛ temverema bɔ nu apakyepakye, bɔ ɔte kyɛ see bɔ ogye ɔ, ɔyele ye nwo ali hyirele bɛ, na nu hyehyɛle oogyinagyinane bɛ ti afia ngoko ngoko.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 10:3

Na ɔteane nu serɛserɛ kyɛ gyata bɔ ɔbobɔ nu ɔ. Na ɔteane nu nen, agralaa nzoo ne bobɔle nu kurudududu.

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.