Nyekyire 4:4 - AHYERƐLƐ KRONGRON

⁴ Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 4:4 Iomraidhean Croise

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Edwein 21:3

Ofikyɛ ɛfa saleɛ kandinga yia ye, na ɛfa esikaa kɔkorɛ paa abotire bɔ ye.

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

2 Timoteo 4:8

Na bɔ waha bɔ ɔla berɛ ma me ole tenenee abotire bɔ Awurade, ndɛenbualɛniɛ tenenee ne ɔkɔfa kɔbɔ m’aba so sɔ Kyẽa ne ɔ; bɔ nna me ngome, na mmom bɛ bɔ bekuro ye nwo aliyelɛ ne amukoraa koso ɔkɔbɔ b’aba so bie.

Nyekyire 11:16

Na mbanyi aburanyɔ ne nna bɔ bɛtete b’ahennie bia so wɔ Nyameɛ nyunu ne, bɛfale bɛ nyunu bebutubutuli ase bɛsɔnene Nyameɛ,

Nyekyire 14:3

Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 19:4

Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.

Nyekyire 5:11

Afei ndole me nye, na ndele abɔfo pembepembe bɔ bapɛ ahennie bia ne ne abɔdeɛ ateasefoɛ nemɔ ne mbanyi nemɔ nwo bayia ɔ bɛ komvi; na né bɛ somaa te apee buru apee buru ahoroɔ ne apee apee.

Nyekyire 5:14

Na abɔdeɛ ateasefoɛ nna nemɔ sele kyɛ, “Amen.” Yeɛ mbanyi nemɔ bɛfale bɛ nyunu bebutubutuli berɛ bɛsɔnene [bɔ ɔte ase afebɔɔ ne].

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.

Nyekyire 7:11

Né abɔfo nemɔ amukoraa bapɛ ahennie bia ne ne mbanyi nemɔ ne abɔdeɛ ateasefoɛ nna nemɔ nwo bayia, na bɛfale bɛ nyunu bebutubutuli ase wɔ ahennie bia ne nyunu, na bɛsɔnene Nyameɛ

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.

Nyekyire 9:7

Na mmɛbɛ mbiri nemɔ, bɛ sue te kyɛ mbɔngɔ bɔ basiesie bɛ bama koɛ ɔ; nikyee bie wɔ bɛ ti so bɔ ɔte kyɛ sikaa kɔkorɛ abotire ɔ, na bɛ nyunu soma sona nyunu;