Nyekyire 4:2 - AHYERƐLƐ KRONGRON

² Na berɛ ne ala, né nwɔ Sunzum nu. Na yieee, né ahennie bia bie gyi nyameɛso, bɔ ebie te ahennie bia ne aso ɔ.

Nyekyire 4:2 Iomraidhean Croise

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Yesaya 6:1

Afoɛ bɔ Nana Yusia wuli ne anu, nwuni AWURADE kyɛ ɔte ahennie bia bɔ so ma paa ɔ so. Né ye ataadeɛ ne noa wayi asɔneyɛɛ sua ne anu tɛkyɛ.

Yeremia 17:12

Animnyam ahennie bia bɔ bama so fi ahyɛaseɛ yeɛ ɔte yɛ nekaa krongron ɔ!

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Hesekiel 10:1

Afei nneane, na nwuni nikyee bie bɔ osoma ahennie bia, bɔ osoma kyɛ bafa safire nyɔboɛ bayɔ ɔ, kyɛ ɔwɔ nikyee tɛtrɛtɛɛ bɔ ɔwɔ kɛrubim nemɔ anwuro ne aso.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Mateo 22:43

Yeɛ Yesu bisale bɛ kyɛ, “Na afei ɔwale ye sɛ bɔ Dawide nate Sunzum Krongron so frɛ ye me Mene ɔ, kyɛ,

Hebrifoɛ 8:1

Edwirɛ bɔ yɛkã ne, porɛ bɔ ogyi so paa ɛhe: ɔsɔfo panyi paa sɔaa yeɛ yɛle ye ɔ, na ɔte Tuminiɛ n’ahennie bia ne famaa so wɔ nyameɛso.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 12:5

Ɔwole baa bienzua, bɔ ye yeɛ ɔbaafa buralɛ pɔmaa di maen maen amukoraa so ɔ. Na ɔwa ne, behwimini ye bɛhɔle Nyameɛ ne ye ahennie bia ne nwo.

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.

Nyekyire 19:4

Na mbanyi aburanyɔ ne nna nemɔ ne abɔdeɛ ateasefoɛ nna nemɔ bɛfale bɛ nyunu bebutubutuli berɛ bɛsɔnene Nyameɛ bɔ ɔte ahennie bia ne aso ne, na bɛhane kyɛ, “Amen, Haleluya!”

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 21:10

Na ɔfale me sunzum nu hɔle bokaa pirikua tendenn bie aso, na ohyirele me kuro krongron Yerusalem ne kyɛ ofi Nyameɛ berɛ wɔ nyameɛso odwu ba ɔ.

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.

Nyekyire 5:13

Na abɔdeɛ biala bɔ ɔwɔ nyameɛso ne aseɛ so ne aseɛ bo ne ɛpo nu ne bɔ ɔwɔ bɛ nu amukoraa, ndele kyɛ bɛkã kyɛ, “Saleɛ ne anidie ne animnyam ne tumi ɔyɛ bɔ ɔte ahennie bia ne aso ne ɔne Boaen Ba ne deɛ afebɔɔ.”

Nyekyire 6:16

Na besele mmokaa ne nyɔbotaen nemɔ kyɛ, “Ɛ́mɔdwiri begua yɛ so, ná ɛ́mɔfa yɛ bɛfea béfi bɔ ɔte ahennie bia ne aso ne nyunu, ɔne Boaen Ba n’ahonehulɛ nu;