Nyekyire 4:11 - AHYERƐLƐ KRONGRON

¹¹ “Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”

Nyekyire 4:11 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

2 Samuel 22:4

AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ode me fi me pɔfoɛ mɔ sa nu.

Nehemia 9:5

Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

YOB NWOMAA NE 36:3

Ngohyire kyɛ me nimdeɛ ne ɔtrɛ paa, na ngɔfa ngohyire kyɛ me Nyameɛ bɔ ɔbɔle me ne ɔtengyɛ.

Edwein 18:3

AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ɔpepɛ de me fi me pɔfoɛ mɔ sa nu.

Edwein 68:34

Nyameɛ bɔ odi Yisrael so hene, bɔ ye tumi wɔ ewienu ne, ɛmɔhã kyɛ ole tumi.

Ɛksadɔso 20:11

Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Yesaya 40:26

Ɛ́mɔto ɛmɔ nye anwuro bɛ́nea, nwa yeɛ ɔbɔle sɔ nningyein nemɔ ɔ? Ye bɔ ɔye b’ɛlɔen ne fite ɔka bɛ ɔ, bɔ ɔfa bɛ mukoraa bɛ dumaa frɛ bɛ ɔ; na ɔnate ye anwoserɛ piri ne ye tumi totohyia ne ati, bɛ nu biala mmini.

Yesaya 40:28

Aso ɛnze? Aso ɛttele? AWURADE te Ɛdangama Nyameɛ, bɔ ɔbɔle aseɛ fi ye ti kɔkã ye ti ɔ. Ɔmvɛ, yeɛ ye nwo nyɛ ye bɛtɛɛ, na ye nworɛ bo sona ndeaseɛ so.

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 17:24

Nyameɛ bɔ ɔbɔle wiase ne nu nningyein amukoraa ne, ye bɔ ɔte nyameɛso ne aseɛ Mene ne, nna asɔneyɛɛ sua mɔ bɔ bafa bɛ sa basi ɔ nu yeɛ ɔte ɔ,

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Hebrifoɛ 1:10

Nyameɛ sa hane kyɛ yoo: “Wɔ, Awurade, ahyɛaseɛ ne, ɛtole aseɛ fapem, na anwuro te wɔ sa noa adwuma;

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 19:1

Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 5:12

Na bɛteane nu bɛhane kyɛ, “Boaen Ba bɔ behuni ye ne, ɔfata kyɛ ode tumi, anwonya, nworɛ, anwoserɛ, anidie, animnyam ne saleɛ!”

Nyekyire 5:2

Na nwuni abɔfo anwoserɛniɛ bie bɔ ɔteane nu bisale kyɛ, “Nwa yeɛ ɔfata kyɛ obukye nwomaa bɔ babobɔ ne anu ná ɔtete ye nzɔanoɛ nemɔ ɔ?”

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,