Nyekyire 4:1 - AHYERƐLƐ KRONGRON

¹ Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 4:1 Iomraidhean Croise

Ɛksadɔso 1:1

Yisrael mma bɔ bɛ ne Yakob wale Misraim ne, bɛ nu biala ne ye abusua yeɛ ɔwale ɔ. Ye mma nemɔ dumaa ɛhe:

Ɛksadɔso 19:24

Na AWURADE sele ye kyɛ, “Dwu kɔ aseɛnwo dɔ, ná ɛne Aarɔn bɛfo bɛbra. Nakoso asɔfo nemɔ ne mmenia ne de, nnɛmaa bɛtra ɛwɛen ne bɛfo bɛba AWURADE berɛ, ná wamvɛ bɛ so yaa.”

Ɛksadɔso 24:12

Na AWURADE sele Mose kyɛ, “Fo bra me nwo faen wɔ bokaa ye aso, ná kɔnwondɛ berɛ. Na ngɔfa nyɔboɛ taataa ne, ɔne mmeraa ne mmeraa dwirɛ bɔ mahyerɛ kyɛ bɛfa behyirehyire bɛ ne ngɔma wɔ.”

Anyandera 25:7

ofikyɛ ɔte paa kyɛ bekose wɔ kyɛ, “Bra anwuro faen,” tra kyɛ bekogua wɔ nyunu ase wɔ sona titire ne anyunu. Edwirɛ bɔ wɔ nye anwu ye ne,

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Mateo 3:16

Mmerɛ bɔ ɔbɔle Yesu asu yiele nen, Yesu fili nzue ne anu fitele pɛ, yieee, anwuro bukyele (mane ye), na onwuni Nyameɛ Sunzum ne kyɛ abubure odwu ba ye so,

Marko 1:10

Na mmerɛ bɔ Yesu fili nzue ne anu fitele pɛ, onwuni kyɛ anwuro abukye, ná Sunzum ne odwu kyɛ abubure ba ye so ɔ.

Luka 3:21

Na ɔwale kyɛ, ɔbɔle mmenia ne amukoraa asu nen, ɔbɔle Yesu koso asu, na ɔ́bɔ mbaeɛ nen, anwuro bukyele,

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Asomafoɛ 10:11

Na onwuni kyɛ anwuro abukye, na nikyee bie bɔ ɔte kyɛ nwera pirikua, bɔ basosɔ ye noa nna ne anu odwu ba ase ɔ.

Asomafoɛ 7:56

Na osele bɛ kyɛ, “Ɛmɔnea, menwu kyɛ anwuro abukye, na Sona Awa ne gyi Nyameɛ sa famaa so.”

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 1:12

Na ngakyili me nwo kyɛ menea komviɛ bɔ odwudwo kyire me ne, na mbɛle me nye ne, nwuni esikaa kɔkorɛ kanea bakaa nzoo;

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 11:12

Na bɛtele kyɛ komviɛ piri bie fi nyameɛso odwudwo kyire bɛ kyɛ, “Ɛ́mɔfo bɛbra wa!” Na bɛfale munungum nu bɛfo bɛhɔle nyameɛso bɔ bɛ pɔfoɛ mɔ bɛ nye tua bɛ ɔ.

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 16:17

Na abɔfo bɔ ɔtɔ so nzoo ne hwiele bɔ ɔwɔ ye kulie ne anu guale mvrama nu. Na komviɛ piri bie fili asɔneyɛɛ sua ne anu, fili ahennie bia ne anu, kyɛ, “Wayie!”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 22:6

Na osele me kyɛ, “Edwirɛ hemɔ te turoloo ne nahorɛ. Na Awurade, ngɔmhyɛlɛfoɛ sunzum mɔ Nyameɛ ne, wasoma ye abɔfo kyɛ ɔɔye edwirɛ mɔ bɔ odi kyɛ bɛba nu ndɛndɛ ɔ ohyire ye ngoaa mɔ.”