Nyekyire 3:7 - AHYERƐLƐ KRONGRON

⁷ “Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Nyekyire 3:7 Iomraidhean Croise

YOB NWOMAA NE 11:10

Sɛ ɔba ná ɔfa mmenia gua kuku nu, ná ɔfa mmenia kɔ nekaa bɔ bedi dwirɛ a, nwa yeɛ ɔkɔhora kosi ye ate ɔ?

YOB NWOMAA NE 12:14

Sɛ odwiri nikyee gua a, ebiala ngɔhora ngosa ngosi, sɛ ɔto sona kuku nu a, ebiala ngɔhora ye bukye.

Edwein 145:17

AWURADE tengyɛ wɔ bɔ ɔyɔ ɔ amukoraa nu, na ɔte krongron wɔ ye nnwumaa amukoraa nu.

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Edwein 89:18

Ofikyɛ AWURADE yeɛ ɔte y’akokyɛm ɔ, Yisrael Krongronniɛ ne yeɛ ɔte yɛ Hene ɔ.

Yesaya 22:22

Ngɔfa Dawide awuro ama nzafoaa ne ngowura ye sa. Sɛ obukye a, ebiala ngɔto nu, yeɛ sɛ ɔto nu a, ebiala ngobukye.

Yesaya 30:11

ɛ́mɔmakye béfi atimbire ne aso, ɛ́mɔfi atee ne aso, nnɛmɔmaa yɛte Yisrael Krongronniɛ ne nwo dwirɛ ko.”

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 41:16

Ekohuhu bɛ so, mvrama kɔbɔ bɛ kɔhɔ, na mvrama bɔ ɔpɛ ye nwo ɔ kɔto bɛ kɔsande. Na afei ekoli ahurusi wɔ AWURADE nu, na ɛkɔhoahoa wɔ nwo wɔ Yisrael Krongronniɛ ne anu.

Yesaya 41:20

amaa ɔnate so mmenia anwu ye bate ye bo, ná badwene ye nwo banya ye nwo ndeaseɛ, kyɛ AWURADE tumi yeɛ wayɔ ɛhe ɔ, kyɛ Yisrael Krongronniɛ ne yeɛ ɔbɔle ye ɔ.

Yesaya 47:4

Yɛ Defoɛ ne, ye dumaa ole Asafo AWURADE, Yisrael Krongronniɛ ne.

Yesaya 48:17

AWURADE, wɔ Defoɛ, Yisrael Krongronniɛ ne, ɔnwa nyoo: “Me ole AWURADE, wɔ Nyameɛ, bɔ ɔte paa ma wɔ ne, me yeɛ mekyirekyire wɔ ɔ, atee bɔ odi kyɛ ɛfa so ne, me yeɛ mefa wɔ mefa so ɔ.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Mateo 16:19

Ngɔfa nyameɛso ahennie nzafoaa ngowura wɔ sa, na nikyee biala bɔ ɛkɔkyekye ye wɔ aseɛ so nen, bɛkɔkyekye ye wɔ nyameɛso; yeɛ nikyee biala bɔ ɛkɔsangye nu wɔ aseɛ so nen, bɛkɔsangye nu wɔ nyameɛso.”

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 1:32

Ɔkɔyɛ sona titire, na bɛkɔfrɛ ye Anwuro Anwuroniɛ n’Awa; na Awurade Nyameɛ kɔfa ye nana Dawide ahennie bia ne kɔma ye,

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Asomafoɛ 3:14

Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 16:7

Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 19:2

ofikyɛ ye ndɛenbualɛ te nahorɛ na ɔtengyɛ, ɔnate kyɛ wabua adwamanbɔlɛniɛ kandinga bɔ ɔfale ye adwamanbɔlɛ guale aseɛ nwo fiɛ ne ndɛen, na watɔ ye so wereɛ wɔ ye ngoaa mɔ bɛ mogya nwo.”

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”