Nyekyire 3:5 - AHYERƐLƐ KRONGRON

⁵ Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.

Nyekyire 3:5 Iomraidhean Croise

Edwein 109:13

Ma ye boso ama bɛ boso onua, nnɛmaa bɛkaye bɛ dumaa wɔ aworɛ ndoatoasoɛ bɔ ɔtoa so ne anu.

Edwein 69:28

Kyikyi bɛ dumaa fi ateasefoɛ nwomaa ne anu; nnɛmaa bɛka bɛ bɛfra teneneefoɛ.

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Mateo 10:32

“Yiti ebiala bɔ ɔkɔbɔ me dumaa wɔ mmenia nyunu ne, me koso ngɔbɔ ye dumaa me Baba bɔ ɔwɔ nyameɛso ne nyunu.

Luka 10:20

Nakoso nnɛma ɛmɔdi ahurusi wɔ ɛhe anwo, kyɛ sunzum mɔ bɛbrɛ bɛ nwo ase bɛma ɛmɔ ɔ; na mmom ɛmɔli ahurusi kyɛ bahyerɛ ɛmɔ dumaa wɔ nyameɛso ɔ!”

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Deuteronomi 9:14

Yakyi me ma ngu bɛ, ná ngyikyi bɛ dumaa mvi aseɛ ye aso; na ngɔmaa ɛkɔyɛ maen pirikua bɔ ye nwo yɛ se tra bɛ ɔ.’

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 22:19

Yeɛ sɛ ebie ye ngɔmhyɛlɛ nwomaa he anu dwirɛ ne bie fi nu a, Nyameɛ kɔye ye bue deɛ kofi ngoa bakaa ne ne kuro krongron bɔ bahyerɛ bɛ nwo dwirɛ wɔ nwomaa he anu ne anu.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

Nyekyire 3:4

Nakoso ele mmenia kãa bie wɔ Sadise bɔ bɛ de begguale b’ataadeɛ nwo fiɛ ɔ; na bɛne me kɔnate bɔ bewura ndaadeɛ fufuɛ ɔ, ofikyɛ bɛfata sɔ.

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.

1 Samuel 17:25

Yeɛ Yisrael koɛhonɛfoɛ nemɔ sisele kyɛ, “Yeɛ ɛmɔanwu biaa he bɔ ɔ́fo ba ye? Susu amba, wawa kyɛ ɔbaapɛ Yisrael poa. Sona bɔ okohu sɔ biaa he nen, Nana Sɔɔlo kɔbɔ ye aba so maa okonya ye nwo, ɔkɔfa ɔwa brasua maa okogya, na ɔkɔma ɔse awuro ama konya bɛ fawɔnwodi wɔ Yisrael.”