Nyekyire 3:4 - AHYERƐLƐ KRONGRON

⁴ Nakoso ele mmenia kãa bie wɔ Sadise bɔ bɛ de begguale b’ataadeɛ nwo fiɛ ɔ; na bɛne me kɔnate bɔ bewura ndaadeɛ fufuɛ ɔ, ofikyɛ bɛfata sɔ.

Nyekyire 3:4 Iomraidhean Croise

1 Ahemvo 19:18

Nakoso ngɔyakyi mmenia apee nzoo maa bekonya bɛ ti bekodidi nu wɔ Yisrael, bɔ bɛ nu biala ɔffale ye nangoroma ɔkkotole Baal le, bɔ ɔffele Baal noa le ɔ.”

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Edwein 68:14

Mmerɛ bɔ Ɛdangama bɔle ahemvo mɔ sandene wɔ berɛ ne, ɔyɛle kyɛ asukɔtwea wɔ Salmon bokaa so.

Nworɛ Dwirɛhanɛniɛ 9:8

Mmerɛ biala, wura anigye ataadeɛ, yeɛ nnɛma sakyeɛfona pa wɔ ti so.

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 59:6

Bɛ ndendaen ne, ɔngɔyɛ ɛtena, yeɛ bɛ yɔleɛ ne koso, bɛfa begurɔ bɛ nwo a ɔnyɛ yee. Bɛ yɔleɛ te abusudeɛ, na atutureasɛm ali bɛ ti.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Lewitikɔso 13:48

kundu anaa nikyee biala bɔ bafa gyese banwo nu oo, anaa bɔ bafa boaen nwiaa banwo nu oo, anaa nwomaa, anaa ataadeɛ biala bɔ bafa nwomaa bapa nu oo,

Mateo 10:11

“Kuro anaa akuraa biala bɔ ɛmɔkɔhɔ nu ne, ɛ́mɔpena sona bɔ okole ɛmɔ ɔ, na ɛmɔ ne ye bɛ́tena berɛ kɔpem mmerɛ bɔ ɛmɔkofi berɛ bɛkɔhɔ ɔ.

Marko 16:5

Bewurale asieleɛ ne anu ne, benwuni aberandeɛ bie bɔ owura ataadeɛ fufue tendenn kyɛ ɔte asieleɛ ne famaa so berɛ, na bɛ kunu tele bɛ.

Luka 20:35

nakoso bɛ bɔ bekobu bɛ kyɛ bɛfata kyɛ benya kyɛfa wɔ wiase bɔ ɔ́ba ne ne awufoɛ dwɔsolɛ nu ne de, bengya, yeɛ bɛmva bɛ bɛmma agyaa,

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

2 Tɛsalonika 1:5

Na ɛhe kyire kyɛ Nyameɛ ndɛenbualɛ te turoloo, bɔ ɔkɔma ɛmɔ kɔfata Nyameɛ ahennie bɔ yiti yeɛ ɛmɔnwu amaneɛ ne.

Yuda 1:23

ebiemɔ koso, ɛ́mɔhwe bɛ béfi see nu bele bɛ ngoa; ebiemɔ koso, ɛ́mɔfa anwowosolɛ benwu bɛ anwumvoin, nakoso ɛmɔhyi ndaadeɛ po bɔ bɛ nwonaen ayɛ ngekalewa wɔ nu ne.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.