Nyekyire 3:2 - AHYERƐLƐ KRONGRON

² Tingye, ná kanyane bɔ waha wɔ wɔ nu bɔ ɔpena wu ne; ofikyɛ mennwu kyɛ wɔ nnwumaa di mu wɔ me Nyameɛ nyunu ɔ.

Nyekyire 3:2 Iomraidhean Croise

1 Ahemvo 11:4

Ofikyɛ Solomon yɛle aworowaa ne, ɔye nemɔ mane ye adwene kakyili oolili nyameɛ foforɛ mɔ si, ná wanni nahorɛ wamma AWURADE ye Nyameɛ, kyɛbɔ ye baba Dawide de olili nahorɛ mane AWURADE ne.

1 Ahemvo 15:3

Ye baba Rehoboam bɔ olili ye bia ne, ye bɔne bɔ ɔyɔle ne, ye koso ɔyɔle ye mukoraati bie. Wamvi ye ahone nu wanni nahorɛ wamma AWURADE ye Nyameɛ kyɛbɔ ye nana Dawide de olili nahorɛ ne.

2 Aberɛso Dwirɛ 25:2

Amasia yɔle bɔ ɔtengyɛ wɔ AWURADE nyunu ɔ. Nakoso wanye ye kunu sefaa.

YOB NWOMAA NE 16:5

Ahaa ngɔfa me noa dwirɛ ngɔhyɛ ɛmɔ nguraen, ahaa me noa dwudwolɛ kɔma ɛmɔ nwo tutulɛ ne kɔtɔ ɛmɔ.

Yesaya 35:3

Asaa bɔ nu ayɛ bɛtɛɛ ne, ɛ́mɔma nu yɛ se, yeɛ nangoroma bɔ nu ayɛ hodwoo ne, ɛ́mɔmiamia nu.

Yesaya 56:10

Ye awɛmvoɛ nemɔ bɛ nye asi, bɛ mukoraa nimdeɛ abɔ bɛ, bɛ mukoraa bɛte ngyea mumu, bɛngora po, na laleɛhyenɛ, asefuo nu lalɛ ne nnaa yeɛ watɔ bɛ so ɔ.

Yesaya 57:12

Wɔ tenenee ne wɔ yɔleɛ nemɔ, ngɔye bɛ ali ngohyire, na so ngɔwa mvasoɛ biala ngɔma wɔ.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Daniel 5:27

TEKEL, wahari wɔ wɔ tonyi so, na wanwu kyɛ ɛndwe;

Sakaria 11:16

Tie, mebaama mmoaenneafoɛ bie odwɔso wɔ aseɛ ne aso, bɔ ɔngɔdwene bɛ bɔ bamini ne anwo, bɔ ɔngɔpena akrɔngrɔma nemɔ si atee, bɔ ɔngɔyɛ bɛ bɔ bapura nemɔ ayire, bɔ ɔngɔma bɛ bɔ bɛte apɔ ne aleɛ ɔ; na mmom okohu bɛ bɔ balɔ ne koli, ná watete bɛ gya boen nu pasapasa.

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Mateo 25:7

Na sɔ mmabunu nemɔ amukoraa bedwɔsole, na bɛyɔle bɛ nganea nyamaa nemɔ yé.

Asomafoɛ 18:23

Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Deuteronomi 3:28

Nakoso fa w’adwuma ne wura Yosua sa, kanyane ye ná hyɛ ye nguraen, ofikyɛ ye yeɛ okotua mmenia hemɔ noa maa bɛkɔpɛ asue ne ɔ, na ye yeɛ ɔkɔma bɛ sa kɔha aseɛ bɔ ekonwu ye ne ɔ.’

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 16:15

(“Tie! Méba kyɛ awueniɛ. Na sona bɔ ɔwɛne ná ɔnea ye ndaadeɛ so, ná wamva ye nwo wando so wannate ma bannwu ye nwo ne, onya saleɛ.”)

Nyekyire 2:4

Nakoso mebɔ wɔ kwaadu, ofikyɛ ayakyi ɔdɔ bɔ elili moa nyane ye ne anu.

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.

Nyekyire 3:3

Yiti kaye bɔ behyirele wɔ, ɔne bɔ ɛtele ne; sɔ nu yé na sakyera w’adwene. Na sɛ anwɛne a, ngɔwa wɔ so kyɛ awueniɛ, na engonwu dɔnhwere horɛ bɔ ngɔfa ngɔwa wɔ so ɔ.