Nyekyire 3:19 - AHYERƐLƐ KRONGRON

¹⁹ Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.

Nyekyire 3:19 Iomraidhean Croise

2 Samuel 7:14

Ngɔyɛ ye baba, ná ye wora wayɛ mma. Sɛ ɔyɔ mvomsoɛ a, ngɔfa bakaa ne mbire ngɔtea ye, kyɛbɔ kuro sona tea ɔwa ɔ.

YOB NWOMAA NE 5:17

“Sona bɔ Nyameɛ twi ye nyunu ne, onya saleɛ, yiti wɔ so bɔ Ɛdangama Nyameɛ ɔtwe ne, nnɛkã kyɛ ɛmbene so.

Edwein 39:11

Ɛtwe adasa mmaa so, sɛ ɛtwe sona so wɔ ye bɔne nwo a, ɛsɛkye nikyee bɔ okuro ye paa ne, kyɛbɔ mvrɔlɔ sɛkye nikye ɔ; amba, sona biala te kyɛ nwomeɛ mbaen. Sela

Edwein 6:1

Ao AWURADE, nnɛkã me nyunu wɔ wɔ yaafɛlɛ nu, yeɛ nnɛtwe me so wɔ wɔ yaafɛlɛ piri nu.

Edwein 69:9

Ofikyɛ w’awuro nwo ɔdɔ bɔ nne ye ne, ɔte see bɔ ogye wɔ me nu ɔ, bɛ bɔ bɛbɔ wɔ alapaa ne, b’alapaa ne waagua me so.

Edwein 94:10

Bɔ ɔtwe maen maen mɔ so ne, aso ɔngɔhwe asoɛ? Ye yeɛ okyire mmenia nimdeɛ ɔ.

Anyandera 15:10

Sona bɔ odi atee ne anwo makyebu ne, asohwenɛ piri la berɛ ma ye, yeɛ bɔ okyi bɛ nyunu hanɛ ne wora, okowu.

Anyandera 15:32

Sona bɔ ɔpo foɛtulɛ ne, obu ye bɔbɔ ye kra animtia, na bɔ otie anyunuhanɛ ne de, ɔyɛ badwemma.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yeremia 10:24

Ao AWURADE, tea me, nakoso nnɛmaa ɔbo so; nnɛfɛ yaa fa tea me, wanyɛ sɔ a, ebie ngɔha me nu.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Yeremia 31:18

Amba, mate kyɛ Efraim ɔ́bɔ abubue kyɛ, ‘Ahwe me so, na manya asohwenɛ, kyɛ nandwie ba bɔ bennya bɛffale kɔnnua bɛttole ye kɔme ɔ. Maa nza mmra, na ngosa ngɔwa, ofikyɛ wɔ yeɛ ɛte AWURADE me Nyameɛ ɔ.

Yeremia 7:28

Kã kyire bɛ kyɛ, ‘Maen bɔ wandie AWURADE ye Nyameɛ dwirɛ, ná wanne ɛtengyɛlɛ bɔ ɔtengyɛ ye wando nu ne, ye ɛhe. Nahorɛ ayie, watu wamini wafi bɛ noa.

Sefania 3:2

Wandie AWURADE dwirɛ ne, wandie foɛtulɛ, wamva ye wora wanwura AWURADE nu, wandwe wambingye ye Nyameɛ.

Mateo 25:7

Na sɔ mmabunu nemɔ amukoraa bedwɔsole, na bɛyɔle bɛ nganea nyamaa nemɔ yé.

Yohane 2:17

Na ye asuafoɛ nemɔ kayele kyɛ bahyerɛ kyɛ, “W’awuro nwo ɔdɔ bɔ nne ye ne, ɔte see bɔ ogye wɔ me nu ɔ.”

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

1 Korintofoɛ 11:32

Nakoso sɛ Awurade bua yɛ ndɛen a, ɔtwe yɛ so, amaa ɔnate so bamva yɛ bamvra wiase so bammua yɛ ndɛen.

2 Korintofoɛ 6:9

bayɛ kyɛ bɛnze yɛ nakoso bɛse yɛ paa, yayɛ kyɛ yawu nakoso amba, yɛte ase, bɛhyɛ yɛ anyeborolɛ, nakoso behhuni yɛ;

2 Korintofoɛ 7:11

Na sɔ aworabɔlɛ he bɔ ɔnate Nyameɛ surolɛ so wawa ye, ɛmɔnea dwumadie paa bɔ wali wɔ ɛmɔ nu ɔ: bɛ noa yelɛ nu, ahinzɛm nu, ɛserɛ nu, me nwo aworadɔlɛ, ɛmɔ mmɔdenbɔlɛ nu, ɔne wereɛtɔlɛ nu. Na atee biala so ɛmɔahyire kyɛ ɛmɔnni fɔ wɔ ɛhemɔ nwo.

Galatiafoɛ 4:18

Nakoso ɔte paa kyɛ mmenia konya ɛmɔ nwo adwene paa ná bahuro ɛmɔ dwirɛ daa ɔ, ná nna kyɛ mmerɛ bɔ me ne ɛmɔ yɛwɔ berɛ angome.

Deuteronomi 8:5

Na nwu ye kyɛ, kyɛbɔ sona tea ɔwa ne, sɔ ala yeɛ AWURADE wɔ Nyameɛ tea wɔ ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

Nyekyire 2:5

Yiti kaye tebea bɔ efili nu fini ase ne, ná sakyera w’adwene, ná yɔ nnwumaa bɔ ɛyɔle ye daa ne! Na sɛ anyɔ sɔ a, ngɔwa wɔ so ndɛndɛ, ná maaye wɔ kanea bakaa ne mafi ye boso, sana ɛsakyera w’adwene.