Nyekyire 3:15 - AHYERƐLƐ KRONGRON

¹⁵ Mese wɔ nnwumaa: wɔ ahɔ a ɛtte frɔlɔɔ, yeɛ ɛnyɛ hye koso. Na ɔhale me ngome a, ahaa ɛte frɔlɔɔ anaa ɛyɛ hye.

Nyekyire 3:15 Iomraidhean Croise

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

Anyandera 23:26

Mma, fa w’adwene ma me, ná ma wɔ nye gye m’atee nwo.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 7:8

Efraim afa ye nwo wabɔ maen maen mɔ; Efraim te apiti bɔ bangakyi ɔ.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Mateo 24:12

Na ɔnate kyɛ amumuyɛɛ kɔsone pee ne ati, mmenia pee b’ehurolɛ bɔ bekurokuro bɛ nwo dwirɛ ne, ye noa kodwo.

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Deuteronomi 5:29

O, sɛ ahaa daa biala bele sɔ adwene ne, kyɛ bekosuro me ná bali me mmeraa dwirɛ mukoraati so a, ahaa okoyie bɛ ne bɛ mma mɔ yé afebɔɔ!

Filipifoɛ 1:9

Na me mbaeɛ ole kyɛ, ɔdɔ bɔ ɛmɔle ye ne ɔkɔhɔ so konyi wɔ nimdeɛ ne ndeaseɛ amukoraa nu,

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

Yakobo 1:8

ofikyɛ sona bɔ ye adwene yɛ ye ndaa ndaa ne, ɔngora nzi ye adwene pi wɔ nikyee biala bɔ ɔyɔ nu.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

Nyekyire 2:2

Mese wɔ nnwumaa, wɔ fɛɛ ne w’animia, ɔne kyɛbɔ ɛngora nzosɔ bɔnefoɛ so, ná mmom aso bɛ bɔ bɛnwa bɛte asomafoɛ nakoso bɛtte asomafoɛ ɔ anea, na anwu bɛ kyɛ bɛte ngondombofoɛ.

Nyekyire 2:4

Nakoso mebɔ wɔ kwaadu, ofikyɛ ayakyi ɔdɔ bɔ elili moa nyane ye ne anu.

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.

Nyekyire 3:16

Na ɔnate kyɛ ayɛ nnedɛɛnnedɛɛ, ná anyɛ frɔlɔɔ anaa anyɛ hye ne ati, ngɔfe wɔ ngofi me noa nu.