Nyekyire 3:14 - AHYERƐLƐ KRONGRON

¹⁴ “Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 3:14 Iomraidhean Croise

Gyenesise 49:3

Ruben, wɔ yeɛ ɛte me bamuɛbaa ɔ, m’anwoserɛ, me sɛngyerɛnneɛ bɔ oli moa bɔ okyire kyɛ nde bienzua ɔ, w’anidie tra so, yeɛ wɔ tumi koso tra so.

Anyandera 14:5

Danzeniɛ nahorɛniɛ mbɛ anoanu, nakoso danzeniɛ ngondomboniɛ de, odi adanzewia.

Anyandera 8:22

AWURADE ɔ́hyɛ ye adwuma bo ne yeɛ ɔbɔle me ɔ, koraka yeɛ ɔ́hyɛ ye adwuma bɔ ofi tetetete ne abo ɔ.

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 65:16

amaa ɔnate so ebiala bɔ ɔkɔhã saleɛ dwirɛ kɔma ye nwo wɔ aseɛ ne aso ne, ɔkɔfa nahorɛlilɛ Nyameɛ ne yeɛ okoyira ye nwo ɔ; yeɛ ebiala bɔ ɔkɔta ndaen wɔ aseɛ ne aso ne, ɔkɔfa nahorɛlilɛ Nyameɛ ne yeɛ ɔkɔta ndaen ɔ; ofikyɛ bɛ wora kofi amaneɛ bɔ ɔtole bɛ daa ne, na mabu me nye magua so.

Yeremia 42:5

Yeɛ besele Yeremia kyɛ, “AWURADE ɔ́yɛ y’afia danzeniɛ nahorɛniɛ turoloo, sɛ AWURADE wɔ Nyameɛ dwirɛ amukoraa bɔ wafa wasoma wɔ kyɛ ɛhã hyire yɛ ne, sɛ yanni so pɛpɛɛpɛ a.

Yohane 1:3

Ɔnate ye so yeɛ bɛyɔle nningyein amukoraa ɔ, na bangwati ye banyɔ nikyee biala bɔ bɛyɔle ɔ.

Yohane 8:14

Na Yesu buale bɛ kyɛ, “Sɛ medi me bɔbɔ me nwo adanzeɛ po a, m’adanzeɛ ne te nahorɛ; ofikyɛ mese nekaa bɔ mvi mmale ɔ, ɔne nekaa bɔ mékɔ ɔ. Nakoso ɛmɔ de, ɛmɔnze nekaa bɔ mvi mmale ɔ anaa nekaa bɔ mékɔ ɔ.

2 Korintofoɛ 1:20

Ofikyɛ Nyameɛ bɔhyɛ bɔ ɔwɔ ye nu amukoraa te “Yoo.” Na ɔnate sɔ ne ati, ye so yeɛ yɛfa yɛkã “Amen” yɛhyɛ Nyameɛ animnyam ɔ.

Deuteronomi 21:17

Ɔsɛ kyɛ biaa ne fa braa bɔ onguro ye n’awa bamuɛbaa dibea ma ye, ná ɔma ye bɔ ole ye amukoraa nza nu ngyɛmuɛ nyɔ, ofikyɛ ye yeɛ ɔte ye bienzua nu anwoserɛ bɔ oli moa ɔ, na bamuɛbaa dibea ne te ye deɛ.

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

Kolosefoɛ 1:18

Ɔte nipadua ne bɔ ye ole asɔre ne ti; ɔte nikyee biala ahyɛaseɛ, awufoɛ tingyelɛ nu farebae, na ɛhe maa ɔyɛ nningyein amukoraa nu bɔ oli moa ɔ.

Kolosefoɛ 2:1

Mekuro kyɛ ɛmɔnwu mmɔden paa bɔ mebɔ mema ɛmɔ, yeɛ afei bɛ bɔ bɛwɔ Laodikea, ɔne ebiala bɔ onnwuni me nyunu le ɔ.

Kolosefoɛ 4:16

Sɛ ɛmɔkenga krataa he wɔ ɛmɔ nu beyie a, ɛ́mɔma bɛkenga ye wɔ Laodikeafoɛ asɔre nu koso. Ɛmɔ koso odi kyɛ ɛmɔkenga Laodikeafoɛ krataa bɔ bɛkɔfa bɛkɔbrɛ ɛmɔ ne.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”

Nyekyire 22:6

Na osele me kyɛ, “Edwirɛ hemɔ te turoloo ne nahorɛ. Na Awurade, ngɔmhyɛlɛfoɛ sunzum mɔ Nyameɛ ne, wasoma ye abɔfo kyɛ ɔɔye edwirɛ mɔ bɔ odi kyɛ bɛba nu ndɛndɛ ɔ ohyire ye ngoaa mɔ.”

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe: