Nyekyire 3:10 - AHYERƐLƐ KRONGRON

¹⁰ Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Nyekyire 3:10 Iomraidhean Croise

Yesaya 24:17

Wɔ bɔ ɛte aseɛ ye aso ɔ, ahunundetelɛ ne kumaa ne ngaen la berɛ ma wɔ!

Daniel 12:10

Bɛkɔte mmeni pee nwo bɛkɔyɛ bɛ nwo fitaa kɔma bɛ nwo kɔyɛ sannwuu; nakoso bɔnefoɛ de, bɔ ɔtte mayee yeɛ bɛkɔyɔ ɔ, na bɔnefoɛ nemɔ anu biala ngɔte ye bo; nakoso badwemmafoɛ de, bɛkɔte ye bo.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Mateo 24:14

Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Marko 14:9

Nahorɛ nu, mekã mekyire ɛmɔ kyɛ, ewiase nekaa biala bɔ bɛkɔhã nzɛmba he nen, bɔ braa he ayɔ ne koso, bɛkɔhã bɛkɔfa bɛkɔyɛ ye ngayeɛ.”

Luka 2:1

Mmerɛ sɔ ne anu, Kaesare Augusto hyɛle mmeraa kyɛ bɛha ewiase mmenia amukoraa, ná bɛhyerɛ bɛ dumaa.

Yohane 17:6

“Mmenia bɔ ɛyele bɛ fili wiase fa mane me ne, mala wɔ dumaa ali mahyire bɛ. Bɛte wɔ deɛ, na ɛfale bɛ mane me, na bali wɔ dwirɛ so.

Romanfoɛ 1:8

Bɔ oli moa ɔ, ɔnate ɛmɔ amukoraa ti mefa Yesu Kristo so meda me Nyameɛ ase, ofikyɛ ɛmɔ gyidie ne nwo dwirɛ adwu wiase nekaa biala.

1 Korintofoɛ 10:13

Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.

Ɛfesofoɛ 6:13

Yiti ɛ́mɔfa Nyameɛ akodeɛ ne amukoraa bewura, amaa ɛmɔahora bagyina wɔ kyẽa tɛɛ ne anu; na sɛ ɛmɔyɔ ɛhe amukoraa beyie a, né ɛmɔagyina pirim.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

Yakobo 3:12

Aliɛmaa mɔ, aso borɔdoma bakaa kora su olive mmaa? Anaakyɛ bobe kora su borɔdoma mmaa? Sɔ ala yeɛ asue ti komapɛ ne ngora mbu nzue ngyee ngyee ne nzue paa ɔ.

1 Petro 4:12

Aliɛmaa mɔ, amaneɛ yeayea bɔ ɔtoto ɛmɔ bɔ bɛfa beso ɛmɔ bɛnea ne, nnɛmɔma ɔyɛ ɛmɔ nwanwa, kyɛ ebiaa ɔte nikyee foforɛ bie yeɛ ɔtoto ɛmɔ ɔ.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 14:12

Na ɛhe hia anwoteefoɛ animia, bɛ bɔ bedi Nyameɛ ahyɛdeɛ so ná betira Yesu gyidie nu ne.”

Nyekyire 14:6

Na afei nwuni abɔfo foforɛ bɔ watu nate nyameɛso afia dɔ, bɔ otira nzɛmba afebɔɔ ne kyɛ ɔkwaabɔ ye dawure kyire bɛ bɔ bɛte aseɛ so: maen maen ne mmusua kure ne edwudwolɛ ne mmenia amukoraa.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 17:2

Ye yeɛ ewiase ahemvo mɔ bɛne ye babɔ adwaman, ná ye adwamanbɔlɛ nzaa ne wabobo aseɛsofoɛ ɔ.”

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 3:8

Mese wɔ nnwumaa. Na tie, mafa anoa bɔ babukye ɔ masie wɔ nyunu, na ebiala ngɔhora nu to; ɔwɔ nu kyɛ w’anwoserɛ te kãa bie, nakoso ali me dwirɛ so, na ambo me dumaa.

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”

Nyekyire 8:13

Na nneane, na ndele kyɛ kɔleɛ bie otu faa wɔ nyameɛso afia dɔ, ná ɔtea nu kã kyɛ, “Totorobɛndo ngaa bɔ abɔfo nza nemɔ bɛbaahu ne, bɛ komvi ne ati, bɛ bɔ bɛte aseɛ so ɔ, bɛ yaakɔ oo, bɛ yaakɔ oo, bɔ yaakɔ oo!”