Nyekyire 22:9 - AHYERƐLƐ KRONGRON

⁹ Na osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ ngɔmhyɛlɛfoɛ, yeɛ bɛ bɔ betira nwomaa he anu dwirɛ nu ne. Sɔne Nyameɛ!”

Nyekyire 22:9 Iomraidhean Croise

2 Ahemvo 17:36

Na mmom ɛ́mɔsɔne AWURADE, bɔ ole tumi piri ne tumi asaa yele ɛmɔ fili Misraim aseɛ so wale ne. Odi kyɛ ye yeɛ ɛmɔkoto ye ná ɛmɔbɔ afɔleɛ bɛma ye ɔ.

Edwein 45:11

na ɛhene ne, ye nye kɔgye w’anwonyemene nwo. Ɔnate kyɛ ɔte wɔ mene ne ati, bɔ wɔ nu ase ma ye.

Ɛksadɔso 34:14

Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Mateo 4:9

na osele ye kyɛ, “Sɛ ɛkɔkoto kɔsɔne me a, ahaa ngɔfa ɛhemɔ amukoraa ngɔma wɔ.”

Luka 4:7

Sɛ ɛkɔsɔne me a, ye de, ye mukoraa kɔyɛ wɔ deɛ.”

Deuteronomi 4:19

Na sɛ ɛto wɔ nye anwuro ná enwu eyia, ɛsraen, nzramaa ne anwuro abɔdeɛ pembepembe mukoraati a, nnɛmaa ɔtwetwe wɔ maa egua ndwerɛ wɔ bɛ nyunu, ná anzɔne bɛ, ofikyɛ bɛte nningyein bɔ AWURADE wɔ Nyameɛ afa ama mmenia mukoraati bɔ bɛwɔ wiase nekaa biala ɔ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 22:10

Na osele me kyɛ, “Ngɔmhyɛlɛ dwirɛ bɔ ɔwɔ nwomaa he anu ne, nnɛfa nzɔanoɛ sɔ ye noa, ofikyɛ mmerɛ ne apingye.

Nyekyire 22:18

Mebɔ ebiala bɔ ɔte nwomaa he anu ngɔmhyɛlɛ dwirɛ ne kɔkɔ kyɛ: Sɛ ebie fa edwirɛ bieku boka ɛhemɔ aso a, Nyameɛ kɔprapra ɛhawo ahoroɔ bɔ bahyerɛ ye wɔ nwomaa he anu ne kogua ye so.

Nyekyire 22:7

“Tie, méba ndɛndɛ. Ebiala bɔ otira nwomaa he anu ngɔmhyɛlɛ dwirɛ nu ne, onya saleɛ.”

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;