Nyekyire 22:5 - AHYERƐLƐ KRONGRON

⁵ Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 22:5 Iomraidhean Croise

Edwein 36:9

Ofikyɛ wɔ yeɛ ɛte ngoa asue ti ɔ, na wɔ kanea ne anu yeɛ yɛnwu kanea ɔ.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Yesaya 30:26

Asa koso, ɛsraen talɛ ne kɔyɛ kyɛ eyia talɛ, yeɛ eyia talɛ ne kɔyɛ mmɔhoɛ nzoo kyɛ bafa ye talɛ ɛlɛsoo babɔ nu ɔ, wɔ kyẽa bɔ AWURADE kɔkyekye ye maen ngena so, bɔ ɔkɔma bɛ nwo pakyepakyelɛ ne kɔhɔ ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Sakaria 14:7

Ɔkɔyɛ kyẽa sonongo bɔ AWURADE yeɛ ɔse ɔ. Nna alehyeleɛ ɔ, yeɛ nna alesaleɛ ɔ; na ɔkɔwa kyɛ, nɔsoa ne, ɔkɔyɛ hyireinn.

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Romanfoɛ 5:17

Na sɛ ɔnate sona ko bɔne so ewue nyane tumi wɔ sona ko ne so a, ye de bɛ bɔ banya adom mmorosoɛ ne tenenee akyɛdeɛ ne, bɛnate sona ko bɔ ye ole Yesu Kristo ne so bekoli ngonim.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 18:23

kanea ye hyireinn ngɔta wɔ wɔ nu ko, na bɛngɔte atɔmvorɛ biaa ne atɔmvorɛ braa komvi wɔ wɔ nu ko; ofikyɛ wɔ dwadifoɛ yeɛ né bɛte atitire wɔ aseɛ so ɔ, na ɛfale wɔ ngonyaayelɛ lakalakale maen maen amukoraa.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 20:6

Na ebiala bɔ ɔboka ewutingyelɛ bɔ oli moa ne aso ne, wanya saleɛ, na ɔte krongron. Sɔ mmenia ne, ewue bɔ ɔtɔ so nyɔ ne olle bɛ so tumi, na mmom bɛkɔyɛ Nyameɛ ne Kristo asɔfo, na bɛne ye koli hene afoɛ apee ko.

Nyekyire 21:11

Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.