Nyekyire 22:3 - AHYERƐLƐ KRONGRON

³ Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;

Nyekyire 22:3 Iomraidhean Croise

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Hesekiel 37:27

Bɛ nu yeɛ m’atenaleɛ ne koso kogyina ɔ. Amba, ngɔyɛ bɛ Nyameɛ, ná bɛ wora bayɛ me maen.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Sakaria 14:11

Mmenia kɔtenatena Yerusalem nu, ofikyɛ ɔngɔbɔ ko, na kuro ne kɔtena berɛ anwotɔ nu.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 13:32

Na sɛ Nyameɛ anya ye nu animnyam a, Nyameɛ koso kɔhyɛ ye animnyam wɔ ye bɔbɔ ye nu, na ɔkɔhyɛ ye animnyam ndɛndɛ.

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Deuteronomi 27:26

“ ‘Musue tó sona biala bɔ onne mmeraa he anu dwirɛ ndo nu kyɛ okoli so ɔ.’ Na mmenia ne amukoraa kosuro so kyɛ, ‘Amen!’

Nyekyire 7:10

Na bɛteane nu serɛserɛ kyɛ, “Ngoalelɛ te yɛ Nyameɛ bɔ ɔte ahennie bia ne aso ne ɔne Boaen Ba ne deɛ!”

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.