Nyekyire 22:17 - AHYERƐLƐ KRONGRON

¹⁷ Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Nyekyire 22:17 Iomraidhean Croise

Edwein 34:8

Ao, baafa wɔ nwo bɔ AWURADE nea, na ekonwu kyɛ AWURADE te paa; sona bɔ ɔnwati ɔkɔfea ye nu ne, onya saleɛ.

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 2:5

O, Yakob awuro ama, ɛmɔbra ma yɛnate AWURADE kanea ne anu!

Yeremia 50:5

Bekobisa atee bɔ ɔkɔ Sion, bɔ bɛ nye kyire dɔ ɔ. Na bɛkɔhã kyɛ, ‘Ɛmɔbra maa yɛfa yɛ nwo yɛɛbata AWURADE, wɔ apam bɔ ɔwɔ berɛ afebɔɔ, bɔ yɛ wora ngofi ye le ɔ nu.’

Hesekiel 47:1

Afei osa fale me wale awuro berɛ anoa ne anu, na yieee, né nzue opu fi awuro berɛ aponnwaa ne abo ɔsẽ kɔ eyia afiteleɛ so dɔ (ofikyɛ né awuro ne nye kyire eyia afiteleɛ). Né nzue ne ɔtengyɛ bagua ase fi awuro ne famaa so, wɔ afɔleɛ bokyea ne ngwaen.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Yohane 1:37

Asuafoɛ nyɔ ne tele bɔ ɔhane ne, na beelili Yesu si.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yohane 4:11

Na braa ne sele ye kyɛ, “Yɛ mene, elle nikyee bɔ bɛfa bɛto nzue ɔ, yeɛ abura ne anu koso wale; yiti nisua yeɛ ekonya sɔ ngoa nzue ne kofi ɔ?

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 4:29

“Ɛmɔbra bɛɛnea oo, biaa bie bɔ wahã bɔ mayɔ amukoraa wahyire me ɔ! Aso nna ye ole Kristo ne anaa?”

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.

Romanfoɛ 3:24

Nyameɛ nate ye adom bɔ ɔfa kyɛ mbaen ne aso obua bɛ be wɔ Kristo Yesu nu ngoalelɛ ne anu.

1 Korintofoɛ 2:12

Nna ewiase wa sunzum yeɛ yanya ye ɔ, na mmom Sunzum bɔ ofi Nyameɛ berɛ yeɛ yanya ye ɔ; na ɛhe maa yɛte akyɛdeɛ bɔ Nyameɛ afa ama yɛ ne bo.

Nyekyire 14:13

Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”

Nyekyire 7:17

Ofikyɛ Boaen Ba bɔ ɔwɔ ahennie bia n’afia berɛ ne, ɔkɔyɛ bɛ Neafoɛ, ɔkɔyɛ bɛ taataa kɔhɔ ngoa asue mɔ ti, na Nyameɛ kokyikyi bɛ nye abo moen amukoraa.”