Nyekyire 22:14 - AHYERƐLƐ KRONGRON

¹⁴ Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

Nyekyire 22:14 Iomraidhean Croise

Gyenesise 2:9

Na AWURADE Nyameɛ mane mmakaa mukoraa bɔ bɛyɛ nyemene ná ɔte paa kyɛ bedi ɔ fifili aseɛnwo wɔ turo ne anu; ɔmane ngoa bakaa fifili turo n’afia, yeɛ paa ne bɔne nwo nimdeɛ bakaa koso fifili nu.

Gyenesise 3:22

Afei AWURADE Nyameɛ sele kyɛ, “Nea, kuro sona ne ayɛ kyɛ yɛ nu ko ala, wanwu paa ne bɔne. Annea a, né watengyɛ ye sa wate ngoa bakaa ne koso bie wali, ná watena ase daa.”

Edwein 112:1

Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

Edwein 118:20

AWURADE anoa piri ne ɛhe, teneneefoɛ kowura nu.

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Daniel 12:12

Na sona bɔ ɔkɔnwondɛ toonn okoodwu ngyẽa apee ko ɛyaa nza ne aburasa ne nnu ne aso nen, ɔte saleɛ ma ye.

Yohane 10:7

Yeɛ Yesu sele bɛ bieku kyɛ, “Nahorɛ nu paa, mekã mekyire ɛmɔ kyɛ, me ole mmoaen nemɔ b’anoa ne.

Yohane 10:9

Me ole anoa ne; na sɛ ebie fa me so kɔ nu a, bekole ye ngoa; na okoli nu akɔneaba, na okonya nekaa bɔ okodidi ɔ.

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 4:12

Yɛ nana Yakob bɔ ɔmane yɛ abura he, bɔ ye bɔbɔ ɔnone nu nzue ne bie, bɔ ye mma ne ye nyɛmmoa koso bɛnone bie ne, aso edi mu tra ye anaa?”

1 Korintofoɛ 7:19

Ofikyɛ bapɛ wɔ bienzua oo, bɛppɛle wɔ bienzua oo, onhia; na mmom Nyameɛ mmeraa ne aso lilɛ yeɛ ohia ɔ.

1 Korintofoɛ 8:9

Nakoso ɛ́mɔnea yé ná sɔ fawɔnwodi bɔ ɛmɔle ye wɔ ɛhe nwo ne, wanyɛ sundidua wamma bɛ bɔ bɛyɛ mmerɛ ne.

1 Korintofoɛ 9:5

Aso yɛlle ye nwo ate kyɛ yɛne aliɛmaa brasua bɔ ɔte yɛ ye tu atee, kyɛbɔ asomafoɛ ngaa nemɔ ne Awurade aliɛma mɔ ne Kefa bɛyɔ ne?

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 21:12

Né ole fasue pirikua tendenn, bɔ anoa mbiri buru ne nyɔ wɔ nu, bɔ abɔfo buru ne nyɔ begyigyi anoa nemɔ anu ɔ. Né bahyerɛ Yisrael mma abusua kure buru ne nyɔ nemɔ bɛ dumaa bagua anoa nemɔ nwo.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.

Nyekyire 22:7

“Tie, méba ndɛndɛ. Ebiala bɔ otira nwomaa he anu ngɔmhyɛlɛ dwirɛ nu ne, onya saleɛ.”

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.