Nyekyire 22:12 - AHYERƐLƐ KRONGRON

¹² “Tie, méba ndɛndɛ; na ndira m’akatuaa kyɛ mefa mebrɛ ebiala kyɛbɔ ye nnwumaa te ɔ.

Nyekyire 22:12 Iomraidhean Croise

YOB NWOMAA NE 34:11

Ofikyɛ otua sona kerɛ kyɛbɔ ye yɔleɛ si te ɔ, na ɔma sona sa ka ye akatuaa, kyɛbɔ ye atee bɔ ɔnate so ɔ si te ɔ.

Edwein 28:4

Nea bɛ yɔleɛ nwo ne b’amumuyɛɛ bra nwo ná tua bɛ kerɛ; nea bɛ sa noa adwuma nwo na tua bɛ kerɛ; ma bɛ akatuaa bɔ ɔfata bɛ ɔ.

Yesaya 40:10

Nea, AWURADE Nyameɛ le tumi ɔ́ba, ye tumi asaa ne yeɛ ɔfa di hene ɔ, tie, otira ye akatuaa, yoo, ye akatuaa li ye nyunu.

Yesaya 62:11

Ɛ́mɔtie, AWURADE abɔ ye dawure maa waadwu aseɛ so nekaa biala. Ɔnwa nyoo, “Ɛmɔhã behyire Sion awa brasua ne kyɛ, ‘Tie, wɔ ngoalelɛ ne ɔ́ba, tie, ye ngonim akatuaa ne boka ye so, na ye akatuaa ne li ye nyunu.’”

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Romanfoɛ 14:12

Yiti yɛ nu biala kobu ye bɔbɔ ye nwo ngondaa kohyire Nyameɛ.

1 Korintofoɛ 3:14

Sɛ ebie adwuma bɔ wayɔ wafa watoa fapem ne aso kora gyina see ne noa a, okonya ye nwo akatuaa.

1 Korintofoɛ 3:8

Bɔ oluale ne, ɔne bɔ oguaguale so nzue ne, bɛ mukoraa pɛ, na bɛ nu biala sa kɔha ye akatuaa kyɛbɔ ye bɔbɔ ye adwuma si te ɔ.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!

Nyekyire 22:7

“Tie, méba ndɛndɛ. Ebiala bɔ otira nwomaa he anu ngɔmhyɛlɛ dwirɛ nu ne, onya saleɛ.”

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.