Nyekyire 22:11 - AHYERƐLƐ KRONGRON

¹¹ Bɔ ɔndengyɛ ne, ɔhɔ so yɛ sona bɔ ɔndengyɛ ɔ; yeɛ bɔ ye nwo nde ne, ɔhɔ so yɛ sona bɔ ye nwo nde ɔ. Bɔ ɔtengyɛ ne, ɔhɔ so yɛ sona bɔ ɔtengyɛ ɔ, yeɛ bɔ ɔte krongron ne, ɔhɔ so yɛ sona bɔ ɔte krongron ɔ.”

Nyekyire 22:11 Iomraidhean Croise

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Nworɛ Dwirɛhanɛniɛ 11:3

Sɛ esue yi munungum nu tɛkyɛ a, ɔtɔ gua aseɛ so; sɛ bakaa bu tɔ ngwaen anaa sorɔ a, nekaa bɔ bakaa ne tɔle ne, berɛ ala yeɛ ɔkɔla ɔ.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Daniel 12:10

Bɛkɔte mmeni pee nwo bɛkɔyɛ bɛ nwo fitaa kɔma bɛ nwo kɔyɛ sannwuu; nakoso bɔnefoɛ de, bɔ ɔtte mayee yeɛ bɛkɔyɔ ɔ, na bɔnefoɛ nemɔ anu biala ngɔte ye bo; nakoso badwemmafoɛ de, bɛkɔte ye bo.

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 21:19

Na onwuni borɔdoma bakaa bie wɔ atee ne noa, ɔhɔle ye nwo berɛ, na wannwu hwee wɔ so, sana nyaa ngome. Na osele bakaa ne kyɛ, “Engosu mmaa ko le!” Na berɛ ne ala, borɔdoma bakaa ne wuli.

Mateo 25:10

Na bɛhɔle kyɛ bɛkwaatɔ bie nen, atɔmvorɛ biaa ne wale; na bɛ bɔ né baboaboa bɛ nwo basie ne, bɛ ne ye hɔle atɔmvorɛ ne abo, na bɛtole anoa ne anu.

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Mateo 5:6

“Bɛ bɔ tenenee nwo hɔen ne nzuhɔen ku bɛ ne banya saleɛ, ofikyɛ bɛ yeɛ Nyameɛ kɔma bɛ ko koyi ɔ.

Yohane 8:21

Na Yesu sele bɛ bieku kyɛ, “Me de, mékɔ, na ɛmɔkɔpena me, na ɛmɔkowu ɛmɔ bɔne nu; na nekaa bɔ mékɔ ne, ɛmɔngɔhora ngɔwa berɛ.”

Ɛfesofoɛ 5:27

kyɛbɔ okosiesie asɔre ne animnyam nu kɔma ye nwo, bɔ ngekalewa anaa ɛpombonɛ, anaa nikyee fiɛ biala nne ye nwo, na mmom wayɛ krongron bɔ mvomsoɛ nne ye nwo ɔ.

Kolosefoɛ 1:22

Nakoso kekesaala ye de, ɔnate Kristo wue ne aso wahwe ɛmɔ wabata ye nwonaen nipadua, amaa ɔnate so wafa ɛmɔ wawa ye nyunu kyɛ mmenia bɔ bɛte krongron, bɔ ngekalewa nne bɛ nwo ná benni fɔ ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.

Nyekyire 22:3

Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;