Nyekyire 21:7 - AHYERƐLƐ KRONGRON

⁷ Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.

Nyekyire 21:7 Iomraidhean Croise

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

2 Samuel 7:14

Ngɔyɛ ye baba, ná ye wora wayɛ mma. Sɛ ɔyɔ mvomsoɛ a, ngɔfa bakaa ne mbire ngɔtea ye, kyɛbɔ kuro sona tea ɔwa ɔ.

Edwein 89:26

Okose me kyɛ, ‘Wɔ yeɛ ɛte me baba, me Nyameɛ ne me ngoalelɛ Nyɔbotaen ɔ!

Anyandera 3:35

Animnyam kooli nworɛfoɛ bɛ sa nu, nakoso ngwaseafoɛ de, animguaseɛ kɔmata bɛ.

Yesaya 65:9

Ngɔye bosofoɛ mɔ ngofi Yakob nu, yeɛ ngɔye bɛ bɔ me mmokaa nemɔ kɔɔyɛ bɛ deɛ ɔ ngofi Yuda; bɛ bɔ maneanea nu maye bɛ ne yeɛ ɔkɔyɛ bɛ deɛ ɔ, na berɛ yeɛ me somvoɛ mɔ bɛkɔtena ɔ.

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”

Mateo 19:29

Na ebiala bɔ me dumaa ti wayakyi awuro mɔ, anaa aliɛmaa mmienzua, anaa aliɛmaa mmrasua, anaa seɛ, anaa niɛ, anaa mmaa, anaa aseɛ mɔ berɛ nen, okonya ye nwo mmɔhoɛ ɛyaa, na okonya daa ngoa.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Marko 10:17

Yesu pene atee so bɔ ɔkɔ nen, biaa bie tuli amirika ɔɔkotole ye nyunu berɛ, na obisale ye kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Romanfoɛ 8:14

Ɔnate kyɛ sona biala bɔ Nyameɛ Sunzum ne ɔyɛ ye taataa ne, ɔte Nyameɛ awa.

Romanfoɛ 8:19

Na abɔdeɛ ɔnwondɛ serɛserɛ kyɛ bɛkɔla Nyameɛ mma nemɔ ali ɔ.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Hebrifoɛ 8:10

Na sɔ ngyẽa ne asi ne, apam bɔ me ne Yisrael awuro ama yɛkɔhyehyɛ hɔ ɛhe, Awurade noa dwirɛ ɛne: Ngɔfa me mmeraa ngowura b’adwene nu, na mahyerɛ ye wɔ b’ahone nu, ngɔyɛ bɛ Nyameɛ, na bɛ wora bayɛ me mmenia.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:25

Yiti bɔ ɛmɔanya ye ne, ɛ́mɔsɔ nu yé kɔpem kyɛ ngɔwa ɔ.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.