Nyekyire 21:5 - AHYERƐLƐ KRONGRON

⁵ Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 21:5 Iomraidhean Croise

Yesaya 42:9

Tie, nningyein daa ne, bawa nu, na méfa nningyein foforɛ meto dwaa, na mékã bɛ nwo dwirɛ mekyire ɛmɔ koraka né basi.”

Yesaya 43:19

Ɛ́mɔnea, mebaayɔ nikyee foforɛ bie, kyɛ ɔ́ba ɔ, aso ɛmɔnnwu ye? Ngɔpakye atee ngɔto ɛserɛ so, ná mama asue mɔ balela aseɛ pralaa so.

Luka 5:38

Na mmom odi kyɛ bɛfa nzaa monɛ begua nwomaa ngotoku monɛ nu.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

Hebrifoɛ 12:27

Na sɔ dwirɛ he: “Woso ye bieku” ne kyire kyɛ abɔdeɛ mɔ kɔwoso ná baye bɛ bafi berɛ, amaa nningyein bɔ bɛngora bɛnwoso ne bahɔ so batena berɛ.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 22:19

Yeɛ sɛ ebie ye ngɔmhyɛlɛ nwomaa he anu dwirɛ ne bie fi nu a, Nyameɛ kɔye ye bue deɛ kofi ngoa bakaa ne ne kuro krongron bɔ bahyerɛ bɛ nwo dwirɛ wɔ nwomaa he anu ne anu.

Nyekyire 22:6

Na osele me kyɛ, “Edwirɛ hemɔ te turoloo ne nahorɛ. Na Awurade, ngɔmhyɛlɛfoɛ sunzum mɔ Nyameɛ ne, wasoma ye abɔfo kyɛ ɔɔye edwirɛ mɔ bɔ odi kyɛ bɛba nu ndɛndɛ ɔ ohyire ye ngoaa mɔ.”

Nyekyire 4:2

Na berɛ ne ala, né nwɔ Sunzum nu. Na yieee, né ahennie bia bie gyi nyameɛso, bɔ ebie te ahennie bia ne aso ɔ.

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.