Nyekyire 21:27 - AHYERƐLƐ KRONGRON

²⁷ Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 21:27 Iomraidhean Croise

Edwein 101:8

Ngyerɛmɔ biala, ngohũhũ aseɛ ne aso bɔnefoɛ amukoraa, amaa ɔnate so matu amumuyɛɛfoɛ amukoraa bɛ bo mafi AWURADE kuro ne anu.

Ɛksadɔso 32:32

Nakoso mesrɛ wɔ, fa bɛ bɔne kyɛ bɛ. Na sɛ wamma ye sɔ de a, nzaade kyikyi me (dumaa) fi wɔ nwomaa bɔ ahyerɛ ne anu!”

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 60:21

Wɔ mmenia ne amukoraa bɛkɔyɛ teneneefoɛ, bɛkɔfa aseɛ ne bɛkɔyɛ bɛ deɛ afebɔɔ, bɛte bakaa bɔ malua bɔ wafefɛ ɔ, me sa noa adwuma bɔ ɔhyɛ me animnyam ɔ.

Hesekiel 44:9

“Yiti AWURADE Nyameɛ nwa nyoo: Amanvoraniɛ biala, bɔ ɔmbɛ ye bienzua wɔ ahone nu ne anwoɔnaen nu, amanvrafoɛ amukoraa bɔ baafra Yisraelfoɛ nu ne, onni kyɛ bewura me nekaa krongron ne anu.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Lewitikɔso 13:46

Na mmerɛ bɔ anwonyerɛ ne tɛ wɔ ye so ne de, ye de ye nwo nde. Ye nwo nde na ye ngome ɔkɔte ye nwo kɔɔtena asikyeleɛ ne asi.

Sakaria 14:21

Nahorɛ nu, kukue biala bɔ ɔwɔ Yerusalem ne Yuda ne, ɔkɔyɛ krongron kɔma Asafo AWURADE, na sona biala bɔ ɔbɔ afɔleɛ nen, ɔkɔɔfa nu bie kɔtõ afɔleɛ naen ne wɔ nu; na sɔ kyẽa ne, Kanaanniɛ ngɔtena Asafo AWURADE awuro berɛ ko.

Numeri 12:15

Yiti bɛyele Miriam bɛhɔle asikyeleɛ ne asi dɔ ɛlɛsoo; na mmenia ne andoa ateetulɛ ne aso maa odwuli kyɛ besa bɛfale Miriam bɛwale asikyeleɛ ne anu ɔ.

Numeri 5:3

Kyɛ bienzua ahɔ oo, anaa brasua ahɔ oo, ɛ́mɔtu ye maa ɔhɔ asikyeleɛ ne asi dɔ. Onni kyɛ b’asikyeleɛ bɔ me ne bɛ yɛte nu ne, bɛfa efiɛ bɛka ye.”

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Marko 7:2

Benwuni kyɛ ye asuafoɛ nemɔ nu biemɔ bɛfa bɛ sa bɔ ye nwo nde ɔ bedidi, bɔ okyire kyɛ bennwunzi bɛ sa ɔ.

Luka 10:20

Nakoso nnɛma ɛmɔdi ahurusi wɔ ɛhe anwo, kyɛ sunzum mɔ bɛbrɛ bɛ nwo ase bɛma ɛmɔ ɔ; na mmom ɛmɔli ahurusi kyɛ bahyerɛ ɛmɔ dumaa wɔ nyameɛso ɔ!”

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

1 Timoteo 1:10

adwamanbɔlɛfoɛ, mmienzua bɔ bɛne mmienzua bɛda ɔ, bɛ bɔ bɛtɔne mmenia, ngondombofoɛ, ndaentolɛfoɛ, yeɛ nikyee biala bɔ ɔboka so bɔ otia ngyerɛkyerɛ paa ɔ;

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

2 Petro 3:13

Nakoso kyɛbɔ ye bɔhyɛ te ne, yɛ nye la nyameɛso foforɛ ne aseɛ foforɛ bɔ tenenee te nu ɔ ate.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.