Nyekyire 21:2 - AHYERƐLƐ KRONGRON

² Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 21:2 Iomraidhean Croise

Edwein 87:3

Ao, Nyameɛ kuro, animnyam dwirɛ yeɛ bɛkã bɛfa wɔ nwo ɔ. Sela

Yesaya 1:21

Kuro bɔ né odi nahorɛ ne, nea kyɛbɔ wasi wakakyi gyanderaniɛ ɔ! Ye bɔ ahaa né pɛpɛɛpɛyɛlɛ wayi ye nu tɛkyɛ ne, bɔ ahaa né ɔte tenenee kuro ne, afei de kodiawufoɛ yeɛ bɛwɔ nu ɔ!

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 62:4

Bɛngɔfrɛ wɔ “Bɔ bapo ye ɔ” ko, yeɛ bɛngɔfrɛ w’aseɛ ne “Kurofoen” ko; na mmom bɛkɔfrɛ wɔ Hefesiba, yeɛ w’aseɛ ne koso bɛkɔfrɛ ye Bewela; ofikyɛ ɛla AWURADE ahone nwo, na okogya w’aseɛ ne.

Yeremia 31:23

Asafo AWURADE, Yisrael Nyameɛ nwa nyoo, “Sɛ mesa mefa b’agyapadeɛ mewura bɛ sa a, bekosa bɛkɔhã sɔ dwirɛ ne wɔ Yuda aseɛ so ne ye nguro mɔ so kyɛ, ‘Ao tenenee atenaleɛ, ao bokaa krongron, AWURADE oyira wɔ!’

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

Hebrifoɛ 11:10

Ɔnate kyɛ, né ɔnwondɛ kuro bɔ Nyameɛ akyekye ná wahyehyɛ bɔ ye fapem gyi berɛ pindinn ne.

Hebrifoɛ 11:16

Nakoso afei, maen paa bɔ ɔte nyameɛso maen yeɛ bɛpena ɔ. Yiti ɔnyɛ Nyameɛ nya kyɛ bɛkɔfrɛ ye bɛ Nyameɛ ɔ, ofikyɛ wasiesie kuro bie wama bɛ.

Hebrifoɛ 12:22

Na mmom ɛmɔawa Sion bokaa ne anwo, ɔne Nyameɛ teasefoɛ ne kuro, bɔ ɔte nyameɛso Yerusalem ne anu, yeɛ abɔfo kure kure bɔ bɛka a bennwu bɛ noa, bɔ bɛyɛ anigye nyianu ɔ bɛ berɛ.

Hebrifoɛ 13:14

Ɔnate kyɛ, kuro biala nne aseɛ ye aso bɔ ɔwɔ berɛ afebɔɔ ma yɛ ɔ, na kuro bɔ ɔbaawa ne mmom yeɛ yɛpena ye si atee ɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.

Nyekyire 21:10

Na ɔfale me sunzum nu hɔle bokaa pirikua tendenn bie aso, na ohyirele me kuro krongron Yerusalem ne kyɛ ofi Nyameɛ berɛ wɔ nyameɛso odwu ba ɔ.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Nyekyire 22:19

Yeɛ sɛ ebie ye ngɔmhyɛlɛ nwomaa he anu dwirɛ ne bie fi nu a, Nyameɛ kɔye ye bue deɛ kofi ngoa bakaa ne ne kuro krongron bɔ bahyerɛ bɛ nwo dwirɛ wɔ nwomaa he anu ne anu.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.