Nyekyire 21:18 - AHYERƐLƐ KRONGRON

¹⁸ Bɛfale nyɔboɛ bɔ bɛfrɛ ye yasepa yeɛ bɛtole ye fasue ne ɔ, na kuro ne bɔbɔ deinn de ɔte sikaa kɔkorɛ paa, bɔ ye nye te kaenn kyɛ neanu ɔ.

Nyekyire 21:18 Iomraidhean Croise

1 Ahemvo 6:30

Sua ne, ye pumbu nu ne ye asa so ne, ɔfale esikaa kɔkorɛ borole ye aseɛnwo berɛ.

2 Aberɛso Dwirɛ 3:6

Ɔfale nyɔboɛ bɔ ye nyɔboɛ yɛ se ɔ dwirale terɛ ne anwo mane berɛ yɛle nyemene. Esikaa kɔkorɛ ne, ofi Parawim.

Nyekyire 21:11

Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.

Nyekyire 21:19

Kuro ne, ye fapem bɔ ye fasue ne gyi so ne, bɛfale nyɔboɛ amukoraa bɔ bɛ nyɔboɛ yɛ se paa yeɛ bɛhyehyɛle ɔ. Fapem bɔ oli moa ne te yasepa, bɔ ɔtɔ so nyɔ ne te safire, bɔ ɔtɔ so nza ne te kyasedon, bɔ ɔtɔ so nna ne te ɛmerade,

Nyekyire 21:21

Na anoa buru ne nyɔ nemɔ bɛte mbembenanneɛ buru ne nyɔ; bɛfale mbembenanneɛ ko yeɛ bɛyɔle anoa ko biala ɔ. Na kuro ne dwaaso te sikaa kɔkorɛ paa bɔ ye nye te kaenn kyɛ neanu ɔ.

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.