Nyekyire 21:12 - AHYERƐLƐ KRONGRON

¹² Né ole fasue pirikua tendenn, bɔ anoa mbiri buru ne nyɔ wɔ nu, bɔ abɔfo buru ne nyɔ begyigyi anoa nemɔ anu ɔ. Né bahyerɛ Yisrael mma abusua kure buru ne nyɔ nemɔ bɛ dumaa bagua anoa nemɔ nwo.

Nyekyire 21:12 Iomraidhean Croise

2 Aberɛso Dwirɛ 9:19

Ɔyɔle gyata buru ne nyɔ. Atweleɛ ndiasoɛ nzia ne, ko biala, né gyata ko gyi ye bɛen, yeɛ ko wora gyi ye famaa so. Sɔ bia ne, né bɛyyɔle ye sɛso wɔ ahennie biala anu le.

Ɛsra 9:9

Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Nehemia 12:27

Mmerɛ bɔ betu Yerusalem fasue ne bewura Nyameɛ sa ne, bɛpenane Lewifoɛ nemɔ wɔ nekaa bɔ bɛtete amukoraa. Na bɛfale bɛ bɛwale Yerusalem kyɛ bɛfa ahurusililɛ ne asennaa dweintolɛ, bɛbɔ firikyiwa, adengum ne sangoo bɛboka dwumadie ne wɔ anigye so.

Edwein 122:7

Asomdwee ɔ́tena wɔ nu, ná ngɔsoɛ ɔtena w’ahemvie nemɔ anu.”

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Ɛksadɔso 28:21

Ɔsɛ kyɛ nyɔboɛ nemɔ yɛ buru ne nyɔ. Yisrael mma mmienzua nemɔ, ko biala dumaa kogua ko aso. Maa beli adwii bekolikoli ko biala so kyɛbɔ nzɔanoɛ so kolikolilɛ te ɔ. Abusua buru ne nyɔ ne, ko biala dumaa kogua ko aso.

Yesaya 54:12

Ngɔfa nyɔboɛ bɔ oli agate ngosi w’abandenden nemɔ bɛ ti afia, ngɔfa nyɔboɛ bɔ oli kabunkre ngosi wɔ pambim nemɔ, ná mafa nyɔboɛ bɔ ye nyɔboɛ yɛ se ɔ mato wɔ fasue ne amukoraa.

Yesaya 60:18

Bɛngɔte basabasayɔlɛ nga ko wɔ w’aseɛ so, bɛngɔte nzɛmmɔne anaa nningyein sɛkyelɛ nga wɔ w’aseɛ ne aso kodwu ɛwɛen so; ɛkɔfrɛ wɔ fasue mɔ: Ngoalelɛ, ɔne wɔ kuro pambim mɔ: Ayɛyelɛ.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 16:22

“Na ɔwale kyɛ ehianiɛ ne wuli, na abɔfo mɔ bɛɛfale ye maa ɔhɔle Abraham berɛ. Esikaniɛ ne koso wuli, na besiele ye.

Asomafoɛ 26:7

Na sɔ bɔhyɛ komapɛ ne ala yeɛ yɛ mmusua kure buru ne nyɔ ne bɛ nye la so kyɛ bekonya ɔ, na bɛsɔne Nyameɛ alehyeleɛ ne alesaleɛ biala. Nana Agripa, ɔnate anyelasoɛ he ati yeɛ Yudafoɛ afa edwirɛ ato me so ye.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Nyekyire 21:13

Anoa nemɔ, nza wɔ eyia afiteleɛ, nza wɔ sorɔ, nza wɔ ngwaen, yeɛ nza wɔ eyia atɔleɛ.

Nyekyire 21:15

Na bɔ ɔne me dwudwole ne, né otira sikaa kɔkorɛ pɔmaa bɔ bɛfa besusu nikye ɔ, kyɛ ɔbaafa susu kuro ne, ye anoa nemɔ ne ye fasue ne.

Nyekyire 21:25

Bɛngɔtoto ye anoa nemɔ anu alehyeleɛ nu koraa, yeɛ aleɛ ngɔsa berɛ;

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.