Nyekyire 21:11 - AHYERƐLƐ KRONGRON

¹¹ Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.

Nyekyire 21:11 Iomraidhean Croise

YOB NWOMAA NE 28:17

Esikaa kɔkorɛ ne neanu, bɛ ne ye nzɛ, yeɛ ɛngɔhora ngɔfa sikaa kɔkorɛ mbembenanneɛ ngɔsesa ye.

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Hesekiel 1:22

Né nikyee bie bɔ ɔte kyɛ nikyee bɔ batrɛtrɛ nu ɔ ɔwɔ abɔdeɛ ateasefoɛ nemɔ bɛ ti so bɔ ɔta kyɛ nyɔboɛ hyɛnhyɛnn, bɔ nu atrɛtrɛ wakata bɛ ti so ɔ.

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Hesekiel 28:16

Ngɔsoɛ wale wɔ dwaalilɛ ne anu maa ɔnate so basabasayɔlɛ yili wɔ nu tɛkyɛ, na ɛyɔle bɔne; yiti ɛkakyili nikyee bɔ ye nwo agua fiɛ ɔ, maa ɔnate so mvindini wɔ mvili Nyameɛ bokaa ne aso. Wɔ, kɛrubo bɔ ɛkataso ɔ, ngɔsɛkye wɔ pasapasa ngofi see nyɔboɛ nemɔ b’afia.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Nyekyire 15:8

Na nwosina bɔ ofi Nyameɛ animnyam nu ɔne ye tumi nu ne, ɔyɛle asɔneyɛɛ sua ne anu munguu, na ebiala angora anwura asɔneyɛɛ sua ne anu kɔpem kyɛ abɔfo nzoo nemɔ bɛ hawo ne bo pɛle ɔ.

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 4:3

Na bɔ ɔte so ne, ɛnea a, ɔte kyɛ nyɔboɛ bɔ oli yasepa ne kokwaboba, yeɛ nyangondoen bɔ ɛnea, ɔte kyɛ dɛngyɛmmoɛ ɔ wapɛ ahennie bia ne anwo wayia.

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.