Nyekyire 21:10 - AHYERƐLƐ KRONGRON

¹⁰ Na ɔfale me sunzum nu hɔle bokaa pirikua tendenn bie aso, na ohyirele me kuro krongron Yerusalem ne kyɛ ofi Nyameɛ berɛ wɔ nyameɛso odwu ba ɔ.

Nyekyire 21:10 Iomraidhean Croise

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

2 Ahemvo 2:16

Besele ye kyɛ, “Tie, wɔ somvoɛ mɔ, mmienzua anwoserɛfoɛ aburannu wɔ yɛ nu. Yɛsrɛ wɔ, maa bɛhɔ bɛɛpena wɔ mene. Ebiaa, AWURADE Sunzum ama ye so waato bokaa bie aso, anaa bɔnza bie anu.” Na obuale kyɛ, “Daabi, nnɛmɔmaa bɛkɔ.”

Hesekiel 11:1

Afei Sunzum ne mane me so, na ɔfale me wale AWURADE awuro berɛ eyia afiteleɛ anoa piri bɔ ye nye kyire eyia afiteleɛ ne anyunu. Na nwuni mmienzua aburanyɔ ne nnu wɔ anoa piri ne anyunu berɛ, na nwuni Asure awa Yaasania ne Benaya awa Pelatia bɔ bɛte maen mbanyi ne kyɛ bɛboka bɛ so ɔ.

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Asomafoɛ 8:39

Na befili nzue ne anu befitele nen, Awurade Sunzum hwimini Filipo hɔle, na sayɛɛ ne annwu ye ko, nakoso ɔfale anigye toale ye ateetulɛ ne aso.

Galatiafoɛ 4:26

Nakoso nyameɛso Yerusalem ne de, ɔnne ngoaasolɛ nu, na ɔte yɛ maame.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

Nyekyire 4:2

Na berɛ ne ala, né nwɔ Sunzum nu. Na yieee, né ahennie bia bie gyi nyameɛso, bɔ ebie te ahennie bia ne aso ɔ.