Nyekyire 21:1 - AHYERƐLƐ KRONGRON

¹ Na nwuni nyameɛso foforɛ ne aseɛ foforɛ; ofikyɛ né nyameɛso bɔ oli moa ne ne aseɛ bɔ oli moa ne bapɛ nu bahɔ, yeɛ né ɛpo nne berɛ ko.

Nyekyire 21:1 Iomraidhean Croise

Yesaya 27:1

Sɔ kyẽa ne, AWURADE kɔfa ye ngrandɛ serɛserɛ pirikua suronyisuronyi ne kɔhwe ɛlɛngyɛen suronyisuronyi, bɔ ɔte ewoo bɔ ye nwo yɛ nyera ne ye so. Ɔte ɛlɛngyɛen suronyisuronyi bɔ ɔbenzebenze ye nu ɔ, na AWURADE kosa kohũ sasrabɔnzam bɔ ɔwɔ ɛpo nu ne.

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Yesaya 57:20

Nakoso bɔnefoɛ de, bɛte kyɛ ɛpo bɔ mvrama obu fa so wuruwuru ɔ, ofikyɛ ɔngora ngyina dinn, na nu nzue pu asaa ne nnɛterɛ ba.

Yesaya 66:22

“AWURADE nwa nyoo: Kyɛbɔ anwuro foforɛ ne aseɛ foforɛ bɔ mebaayɔ ne kɔtena berɛ wɔ me nyunu ne, sɔ ala yeɛ ɛmɔ bosofoɛ ne ɛmɔ dumaa kɔtena berɛ ɔ.

Daniel 7:3

Yeɛ ngaka ngandinga nna befili ɛpo ne anu befitele, asora kyɛbɔ ko biala osi te ɔ.

Romanfoɛ 8:21

ofikyɛ abɔdeɛ ne bɔbɔ deinn, bɛkɔpepɛ bekole ye bekofi ngoaasolɛ porɔlowaa nu bɛkɔhɔ Nyameɛ mma fawɔnwodi animnyam ne anu.

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

2 Petro 3:13

Nakoso kyɛbɔ ye bɔhyɛ te ne, yɛ nye la nyameɛso foforɛ ne aseɛ foforɛ bɔ tenenee te nu ɔ ate.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 6:14

Na ewienu tu minini te kyɛ nwomaa bɔ babobɔ ɔ, na mmokaa ne supɔ mukoraa tutu fili bɛ boso.