Nyekyire 20:9 - AHYERƐLƐ KRONGRON

⁹ Bɛfo bɛhɔle aseɛ so nekaa biala, na bɛpɛle anwoteefoɛ asikyeleɛ ne nwo beyiale, ɔne kuro bɔ Nyameɛ kuro ye dwirɛ ne. Na see [fili Nyameɛ berɛ] wɔ nyameɛso wale ase ɔɔyerale bɛ.

Nyekyire 20:9 Iomraidhean Croise

Gyenesise 19:24

Na afei AWURADE tɔle sɔfe ne see fili anwuro guale Sodom ne Gomora so.

2 Ahemvo 6:15

Nyameɛ sona ne, ye somvoɛ ne dwɔsole ngyerɛmɔ tutuutu. Na ofitele ne, onwuni kyɛ koɛhonɛfoɛ bɔ bɛtete mbɔngɔ so ne teaseɛnam mɔ nu ɔ bapɛ kuro ne anwo bayia ɔ. Ye somvoɛ ne hane kyɛ, “Me mene, yawu oo! Ɛhe de, yɛyɛ ye sɛ?”

YOB NWOMAA NE 38:18

Kyɛbɔ aseɛ tɛtrɛtɛɛ osi te ne, aso ɛte ye bo? Sɛ ɛse ɛhemɔ amu a, kã e!

Edwein 106:18

See koso sɔle wɔ bɛ kure ne anu, na buruburugya ne yerale bɔnefoɛ nemɔ.

Edwein 87:2

AWURADE kuro Sion pambim nemɔ dwirɛ tra Yakob atenaleɛ amukoraa.

Edwein 97:3

See li ye nyunu, na ɔyera ye pɔfoɛ mɔ bra yia.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 38:22

Ngɔfa ewue anwonyerɛ ne mogya yeɛ ngɔtea ye ɔ; na ngɔtɔ esue kandinga paa, asukɔtwea kungumaboɔ, see ne sɔfe yeɛ ngogua ye ne ye lɔen ɔne ye maen worawora bɔ bɛboka ye so ne aso ɔ.

Hesekiel 38:9

Ɛkɔhɔ bɛ so kyɛ mvrama piri, ɛkɔyɛ kyɛ munungum kɔkata aseɛ ne aso, ɛne wɔ lɔen amukoraa ne maen maen pee bɔ bɛboka wɔ so ne.

Hesekiel 39:6

Magɔgo ne bɛ bɔ bɛtete asomdwee nu wɔ supɔ nemɔ aso ne, ngɔsoma see maa ɔkɔhɔ bɛ so, na bekonwu kyɛ me ole AWURADE.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Habakuku 1:6

Ofikyɛ tie, mékanyane Kaldeafoɛ, sɔ atianuserɛ maen bɔ bɛ nwo yɛ nyera ne, bɔ bɛnate bɛfa aseɛ ye aso amukoraa bɛfa atenaleɛ mɔ bɔ nna bɛ deɛ ahɔ ɔ.

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Luka 17:29

Na kyẽa bɔ Lɔto fili Sodom hɔle nen, see ne sɔfe tɔ fili nyameɛso oohuhuni bɛ mukoraa.

Luka 19:43

Ofikyɛ mmerɛ bie baawa wɔ so, bɔ wɔ pɔfoɛ mɔ bɛkɔyɔ nyinasoɛ bɛkɔfo so bɛkɔwa wɔ nu, bɔ bɛkɔpɛ bɛkɔbra wɔ nwo bekoyia, ná batua wɔ bahã wɔ bamia;

Luka 21:20

“Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Luka 9:54

Na mmerɛ bɔ ye asuafoɛ Yakobo ne Yohane benwuni ye sɔ nen, besele kyɛ, “Awurade, ekuro kyɛ yɛma see fi nyameɛso bayera bɛ [kyɛbɔ Elia yɔle ne] anaa?”

Deuteronomi 23:14

Na ɔnate kyɛ AWURADE wɔ Nyameɛ natenate w’asikyeleɛ ne anu, kyɛ ɔbaale wɔ, ná ɔfa wɔ pɔfoɛ mɔ wura wɔ sa ne ati, ma w’asikyeleɛ ne anu yɛ krongron, ná wannwu nikyee tɛɛ biala wɔ wɔ nu, ná wanyakyi wɔ berɛ wangɔ.

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Hebrifoɛ 13:13

Yiti ɛ́mɔma yɛhɔ ye berɛ wɔ asikyeleɛ ne asi dɔ ná ye animguaseɛ ne bie ɔha yɛ.

Nyekyire 11:5

Na sɛ ebie yɛ kyɛ ɔha bɛ a, see fi bɛ noa nu bayera bɛ pɔfoɛ mɔ; yeɛ sɛ ebie yɛ kyɛ ɔha bɛ a, sɔ ala yeɛ ɔsɛ kyɛ beku ye ɔ.

Nyekyire 13:13

Na ɔyɔ nzɛngyerɛnneɛ mbiri mbiri, na ɔma see po fi nyameɛso ba aseɛ so bɔ mmenia nye tua ɔ.