Nyekyire 20:8 - AHYERƐLƐ KRONGRON

⁸ na okofite kɔwa kɔɔlakalaka maen maen mɔ bɔ bɛwɔ aseɛ ndweasoɛ nna ne aso: Gɔgo ne Magɔgo, kyɛ ɔboaboa bɛ noa maa bɛkɔ koɛ; na bɛ somaa te kyɛ mboanoa anweaa.

Nyekyire 20:8 Iomraidhean Croise

1 Ahemvo 4:20

Né Yudafoɛ ne Yisraelfoɛ bɛ somaa te kyɛ mboanoa anweaa; na né benya bɔ bedi ɔ ne bɔ bɛno ɔ ma bɛ nye gye.

2 Aberɛso Dwirɛ 18:21

Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔhyɛ ngɔndorɔ.’ Yeɛ AWURADE sele kyɛ, ‘Kɔ ná kɔlakalaka ye, na wɔ sa kɔhã ye; kɔ ná kɔyɔ ye sɔ ala.’

Yesaya 10:22

Ɔwɔ nu kyɛ wɔ maen Yisrael bɛsone pee kyɛ mboanoa anweaa de, nakoso bɛ nu kaaba bie yeɛ bekosa bɛkɔwa ɔ. Nyameɛ ahyehyɛ bɔ ɔbaato bɛ ne wato berɛ, na ɔnate pɛpɛɛpɛyɛlɛ mmorosoɛ so yeɛ ɔkɔwa ɔ.

Yeremia 33:22

Kyɛbɔ bɛngɔhora ewienu nzramaa ka, ná bɛngɔhora mboanoa anweaa susu ne, sɔ alaa yeɛ ngɔmaa me somvoɛ Dawide ye boso ama, yeɛ Lewifoɛ bɔ bɛso me ne, bɛkɔta pee ɔ.”

Hesekiel 38:1

Yeɛ AWURADE lale ye dwirɛ ali hyirele me kyɛ,

Hesekiel 38:2

“Sona awa, fa wɔ nye kyire Gɔgo, bɔ ɔwɔ Magɔgo aseɛ so ne, Meseke ne Tubal bɛ hene ne, ná hyɛ ngɔm tia ye.

Hesekiel 39:1

Na wɔ, Sona awa, hyɛ ngɔm tia Gɔgo ná kã kyɛ, AWURADE Nyameɛ nwa nyoo: Tie, wɔ Gɔgo bɔ edi Meseke ne Tubal so hene ɔ, meko metia wɔ!

Hesekiel 39:6

Magɔgo ne bɛ bɔ bɛtete asomdwee nu wɔ supɔ nemɔ aso ne, ngɔsoma see maa ɔkɔhɔ bɛ so, na bekonwu kyɛ me ole AWURADE.

Hesekiel 7:2

“Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Hebrifoɛ 11:12

Yiti ɔnate biaa komapɛ he, bɔ né wayɛ aworowaa na wapingye ewue ne aso yeɛ bɛwole ye bosofoɛ, bɔ bɛ somaa te kyɛ ewienu nzramaa ne mboanoa anweaa bɔ bɛka a bennwu bɛ noa ɔ.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:3

na ofindini ye tole aseɛ bo dɔ kumaa kuronguronn ne anu, ɔtole ye nu, na ɔfale nzɔanoɛ tale ye noa, kyɛbɔ ɔkɔyɛ bɔ ɔngɔlakalaka maen maen mɔ ko kɔpem kyɛ afoɛ apee ko ne kɔso ɔ. Nakoso ɛhe asi ne, odi kyɛ bɛyakyi ye mmerɛ kãa bie.

Nyekyire 7:1

Na ɛhemɔ asi ne, nwuni abɔfo nna kyɛ begyigyi aseɛ ndweasoɛ nna ne aso, bɔ né basi aseɛ so mvrama nna nemɔ ate, kyɛbɔ ɔkɔyɛ bɔ mvrama biala ngotu ngɔfa aseɛ anaa ɛpo anaa bakaa biala so ɔ.

Maenbulɛfoɛ 7:12

Né Midianfoɛ, Amalɛkefoɛ ɔne eyia afiteleɛfoɛ nemɔ bayɛ bɔnza ne anu mitimiti kyɛ ngyein. B’afupɔngɔ mɔ de, bɛka a bennwu ye noa; ne bɛ somaa te kyɛ mboanoa anweaa.

1 Samuel 13:5

Filistifoɛ boaboale bɛ nwo kyɛ bɛkwaafa koɛ bɛtoa Yisrael. Bɛfale teaseɛnam apee aburasa, pɔngɔhanɛfoɛ apee nzia, ɔne koɛhonɛfoɛ bɔ bɛ somaa te kyɛ mboanoa anweaa ɔ. Bɛɛkyekyele asikyeleɛ wɔ Mikimase, wɔ Bete Awen eyia afiteleɛ.