Nyekyire 20:4 - AHYERƐLƐ KRONGRON

⁴ Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 20:4 Iomraidhean Croise

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Malaki 4:5

Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa.

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 24:10

Na afei, ɛhe kɔto mmenia pee sundidua; na bɛkɔyeye bɛ nwo ne bɛ nwo bɛkɔma, ná bapopɔ bɛ nwo ne bɛ nwo.

Marko 6:16

Nakoso Herode tele sɔ dwirɛ nen, ɔhane kyɛ, “Yohane bɔ mbɛle ye ti ne yeɛ watingye wafi awufoɛ nu ye.”

Marko 6:27

Na berɛ ne ala, ɛhene ne somane adumfoɛ nemɔ ko, na ɔhyɛle ye kyɛ ɔɔpɛ ye ti bra. Na ɔɔpɛle ye ti wɔ kuku nu dɔ.

Marko 9:11

Na bebisale ye kyɛ, “Nzu ati yeɛ ahyerɛlɛfoɛ nemɔ bɛnwa odi kyɛ Elia di moa ba koraka ɔ?”

Luka 1:17

Ɔkɔfa Elia sunzum ne ye tumi koli ye nyunu kɔkakyi seɛ mɔ b’adwene kɔwa mma mɔ so ɔne asoserɛfoɛ kɔhɔ teneneefoɛ nworɛ nwo, na okosiesie maen bɔ waboaboa ye nwo ɔ kɔma Awurade.”

Luka 14:14

na ekonya saleɛ; ofikyɛ bɛ de, bɛngɔhora bie yɔ ma wɔ ngɔfa ngosi ye gya nu. Na teneneefoɛ edwɔsolɛ ne anu yeɛ wɔ sa kɔhã ye nwo akatuaa ɔ.”

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Romanfoɛ 11:15

Na sɛ ɔnate bɛ polɛ bɔ Nyameɛ pole bɛ ne ati Nyameɛ ne adasa mmaa benyane ngabonu a, nzaade sɛ besa bɛba Nyameɛ berɛ a, ɔkɔyɛ sɛɛ koraa? Ɔkɔyɛ daa ngoa bɔ ofi awufoɛ nu ɔ!

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

Nyekyire 1:2

bɔ odi Nyameɛ dwirɛ ne ne Yesu Kristo adanzeɛ ne nwo adanzeɛ, ɔne bɔ onwuni ye ne amukoraa nwo adanzeɛ ɔ.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 11:11

Nakoso ngyẽa ɛlɛsa ne bue asi ne, ngoa sunzum fili Nyameɛ nu oowurale bɛ nu, na bedwɔso begyinane bɛ gya so, na ɛserɛ piri paa hane bɛ bɔ benwuni bɛ ne.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 14:11

Na nwosina bɔ ofi bɛ teeteelɛ nu ne, ɔkɔ anwuro afebɔɔ. Na bɛ bɔ bɛkoto kaka ne ne ye honi ne, yeɛ ebiala bɔ ode ye nzorɛhyɛlɛ dumaa nen, bengonya bɛ nwome biala bengole wɔ alehyeleɛ nu ne alesaleɛ nu.

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 2:26

Na bɔ odi ngonim, ɔne bɔ ɔsɔ me nnwumaa nu kodwu ayieleɛ ne, ngɔma ye maen maen mɔ so tumi;

Nyekyire 20:6

Na ebiala bɔ ɔboka ewutingyelɛ bɔ oli moa ne aso ne, wanya saleɛ, na ɔte krongron. Sɔ mmenia ne, ewue bɔ ɔtɔ so nyɔ ne olle bɛ so tumi, na mmom bɛkɔyɛ Nyameɛ ne Kristo asɔfo, na bɛne ye koli hene afoɛ apee ko.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 6:9

Na ɔtele nzɔanoɛ bɔ ɔtɔ so nnu ne noa ne, bɛ bɔ ɔnate Nyameɛ dwirɛ ne ne b’adanzeɛ bɔ belili ti behuni bɛ ne, nwuni bɛ kra mɔ wɔ afɔleɛ bokyea ne abo.

Nyekyire 7:3

kyɛ, “Nnɛma ɛmɔha aseɛ anaa ɛpo anaa mmakaa, kɔpem kyɛ yɛkɔfa nzɔanoɛ yɛkɔteta yɛ Nyameɛ ngoaa mɔ bɛ nwoma so ɔ.”