Nyekyire 20:2 - AHYERƐLƐ KRONGRON

² Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,

Nyekyire 20:2 Iomraidhean Croise

Gyenesise 3:1

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

YOB NWOMAA NE 1:7

Yeɛ AWURADE bisale Satan kyɛ, “Nisua yeɛ efi wale ɔ?” Na Satan buale AWURADE kyɛ, “Aseɛ so bɔ mekyinikyini, bɔ medi so akɔneaba ne yeɛ mvi so mmale ɔ.”

Yesaya 24:22

Ɔkɔboaboa bɛ mukoraa noa kyɛbɔ bɛboaboa kukunufoɛ noa wɔ kumaa nu ɔ, ɔkɔto bɛ nu wɔ kuku nu, na ngyẽa pee asi ne, ɔkɔhwe bɛ so.

Yesaya 27:1

Sɔ kyẽa ne, AWURADE kɔfa ye ngrandɛ serɛserɛ pirikua suronyisuronyi ne kɔhwe ɛlɛngyɛen suronyisuronyi, bɔ ɔte ewoo bɔ ye nwo yɛ nyera ne ye so. Ɔte ɛlɛngyɛen suronyisuronyi bɔ ɔbenzebenze ye nu ɔ, na AWURADE kosa kohũ sasrabɔnzam bɔ ɔwɔ ɛpo nu ne.

Hesekiel 47:5

Osa susuli agyirɛ apee ko, na ɔte asue bɔ mangora ye pɛ ɔ, ofikyɛ né nzue ne wayi bɔ bɛngora ye pɛ ɔ, sana ebia pɛ ye.

Mateo 19:29

Na ebiala bɔ me dumaa ti wayakyi awuro mɔ, anaa aliɛmaa mmienzua, anaa aliɛmaa mmrasua, anaa seɛ, anaa niɛ, anaa mmaa, anaa aseɛ mɔ berɛ nen, okonya ye nwo mmɔhoɛ ɛyaa, na okonya daa ngoa.

Mateo 8:29

Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Marko 4:15

Mmenia biemɔ te kyɛ mmakaammaa bɔ beguale atee noa ne. Sɛ bɛte dwirɛ ne a, berɛ ne ala Abɔnzam ba, na ɔye edwirɛ bɔ balua ye bɛ nu ne kɔ.

Marko 5:7

na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Yohane 12:31

Afei ewiase ndɛenbualɛ ne wadwu; bɔ odi wiase he aso ne, bekye yeɛ bɛbaaye ye befi berɛ ɔ.

Yohane 16:11

ndɛenbualɛ nwo, ofikyɛ Nyameɛ abua bɔ odi wiase he aso ne ndɛen dada.

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 12:13

Na sasrabɔnzam ne nwuni kyɛ bafindi ye bato aseɛ so nen, otuli ye nye siele braa bɔ ɔwole baa bienzua ne aso.

Nyekyire 12:15

Na ewoo ne puli ye noa nu nzue bɔ ɔte kyɛ asue ɔ olili braa ne si, kyɛ asue ne fa ye hɔ.

Nyekyire 12:17

Afei sasrabɔnzam ne fɛle braa ne so yaa, na ɔɔfale koɛ toale ye bosofoɛ ngaa bɔ bedi Nyameɛ ahyɛdeɛ so, ná betira Yesu Kristo adanzeɛ nu ne.

Nyekyire 12:3

Na sɛngyerɛnneɛ bieku lale ye nwo ali wɔ nyameɛso: na yieee, sasrabɔnzam pirikua kɔkorɛ bie bɔ ye ti nzoo, ye mmɛen buru, bɔ ahennie abotire nzoo bobɔ ye ti nemɔ ɔ.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:2

Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.

Nyekyire 13:4

Na bɛkotole sasrabɔnzam bɔ ɔmane kaka ne tumi ne; na bɛkotole kaka ne bɛhane kyɛ, “Nwa yeɛ ɔte kyɛ kaka ne ɔ? Nwa yeɛ ɔkɔhora ne ye bɛkɔho ɔ?”

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 20:7

Na sɛ afoɛ apee ko ne odwu a, bɛkɔsangye Satan bekofi ye kuku nu,

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.