Nyekyire 20:12 - AHYERƐLƐ KRONGRON

¹² Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:12 Iomraidhean Croise

Edwein 28:4

Nea bɛ yɔleɛ nwo ne b’amumuyɛɛ bra nwo ná tua bɛ kerɛ; nea bɛ sa noa adwuma nwo na tua bɛ kerɛ; ma bɛ akatuaa bɔ ɔfata bɛ ɔ.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Edwein 69:28

Kyikyi bɛ dumaa fi ateasefoɛ nwomaa ne anu; nnɛmaa bɛka bɛ bɛfra teneneefoɛ.

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 24:29

Nnɛkã kyɛ, “Edwirɛ bɔ wafa wali me ne, me koso ngɔfa bie ngoli ye, bɔ wayɔ ne, ngɔyɔ bie ngotua ye so.”

Nworɛ Dwirɛhanɛniɛ 12:14

Ɔnate kyɛ, Nyameɛ kobua yɔleɛ biala nwo ndɛen, bɔ yayɔ ye mvealeɛ nu boka so, kyɛ paa oo, kyɛ tɛɛ oo, okobua ye nwo ndɛen.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Mateo 11:22

Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Tiro Sidon nen, ongodwu bɔ ɔkɔto ɛmɔ ne.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Luka 10:20

Nakoso nnɛma ɛmɔdi ahurusi wɔ ɛhe anwo, kyɛ sunzum mɔ bɛbrɛ bɛ nwo ase bɛma ɛmɔ ɔ; na mmom ɛmɔli ahurusi kyɛ bahyerɛ ɛmɔ dumaa wɔ nyameɛso ɔ!”

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Romanfoɛ 2:6

Ofikyɛ Nyameɛ kotua sona biala nikyee bɔ wayɔ ɔ nwo kerɛ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 19:5

Na komviɛ bie fili ahennie bia ne anu teane nu kyɛ, “Ɛ́mɔye yɛ Nyameɛ ayɛ, ɛmɔ bɔ ɛmɔte ye ngoaa ne ɛmɔ bɔ ɛmɔsuro ye amukoraa, kwahweabaa mɔ ne atitire!”

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 22:12

“Tie, méba ndɛndɛ; na ndira m’akatuaa kyɛ mefa mebrɛ ebiala kyɛbɔ ye nnwumaa te ɔ.

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.