Nyekyire 20:11 - AHYERƐLƐ KRONGRON

¹¹ Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 20:11 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

YOB NWOMAA NE 9:6

ye bɔ ɔwoso aseɛ fi ye boso, ná ɔma aseɛ nyinasoɛ mɔ bɛwoso ɔ.

Edwein 102:26

Bɛ boso konua, nakoso wɔ de, ɛwɔ berɛ daa; amba, bɛ mukoraa bɛkɔtete kyɛ ɛtena. Ɛkɔsesã bɛ kyɛ ndaadeɛ, na bɛ boso komini.

Edwein 47:8

Nyameɛ di maen maen mɔ so hene, Nyameɛ te ye ahennie bia krongron ne aso.

Edwein 89:14

Tenenee ne ndɛenbualɛ turoloo te w’ahennie bia nyinasoɛ; ɔdɔ bɔ onni ngasi ɔne nahorɛlilɛ beli wɔ nyunu.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Yesaya 6:1

Afoɛ bɔ Nana Yusia wuli ne anu, nwuni AWURADE kyɛ ɔte ahennie bia bɔ so ma paa ɔ so. Né ye ataadeɛ ne noa wayi asɔneyɛɛ sua ne anu tɛkyɛ.

Daniel 2:35

Afei buralɛ ne, ɛfaa ne, kɔɔbere ne, ɛdwetɛ ne ne sikaa kɔkorɛ ne, bɛ nu bubuli nyokonyoko komapɛ, na bɛyɛle kyɛ ahuhuro mmerɛ nu afafu bɔ ɔwɔ nekaa bɔ bɛboro aburoo ɔ; na mvrama bɔle bɛ hɔle bɔ bɛ boso minini ɔ. Nakoso nyɔboɛ bɔ ɔɔbɔle sonaluwaa ne de, ɔyɛle bokaa kandinga, na oyili aseɛ so tɛkyɛ.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Mateo 11:22

Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Tiro Sidon nen, ongodwu bɔ ɔkɔto ɛmɔ ne.

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

2 Petro 3:7

Na anwuro ne aseɛ bɔ ɔwɔ berɛ ye, ɔnate ye noa dwirɛ komapɛ ne ala so yeɛ otira nu ɔ, na wasiesie ye wama see, na ɔfa nwondɛ ndɛenbualɛ ne amumuyɛɛfoɛ kyẽa ne.

Nyekyire 12:8

nakoso bangora koɛ ne noa gyina, na bannya atenaleɛ wɔ nyameɛso ko.

Nyekyire 16:20

Na supɔ biala nwatili, na bannwu mmokaa biala ko.

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,

Nyekyire 21:1

Na nwuni nyameɛso foforɛ ne aseɛ foforɛ; ofikyɛ né nyameɛso bɔ oli moa ne ne aseɛ bɔ oli moa ne bapɛ nu bahɔ, yeɛ né ɛpo nne berɛ ko.

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 4:2

Na berɛ ne ala, né nwɔ Sunzum nu. Na yieee, né ahennie bia bie gyi nyameɛso, bɔ ebie te ahennie bia ne aso ɔ.

Nyekyire 6:14

Na ewienu tu minini te kyɛ nwomaa bɔ babobɔ ɔ, na mmokaa ne supɔ mukoraa tutu fili bɛ boso.